唔好意思近期太忙都無咩時間update 因為探朋友既初生BB,2位中女就順便系附近既商場搵食,行行下見到系一個商場既小巷入面,有好多人排隊唔知等乜。。 驟眼睇以為係生活百貨,原來係集故事同餐廳一身既台式料理店。店主將台灣既休閑文化帶咗黎,室內佈置處處有驚喜,好有文青感覺,行開依邊唔好錯過! 餐廳各處佈置如同走入朋友的家一樣,小巧、舒適又溫暖。舒服得好似去了朋友的家作客一樣,簡約卻溫馨。總之各處佈置背後都好似有自己的故事。真正那些年Feel! 這裡的台式食物都是自家製:我地試左三盛紅燒牛肉麵:牛肉麵湯底用牛骨、蒜頭、洋葱等12款香料熬足5小時,再放牛燜兩個鐘,湯底微辣,牛肉軟腍,有陣微微既藥材味,感覺好養生 另外叫左XO醬酥排骨魯肉飯:肉燥半肥瘦肉,煮得入味,啖啖油香,不過略嫌肉燥較小,唔夠撈飯 套餐仲送埋每日新鮮製作原盅燉湯,滋潤既湯水確實系繁忙既都市人(即系我)好需要既,但我自己覺得偏咸左小小 一共4款湯底俾你選擇: 養生清燉牛肉湯 紅燒牛肉湯 蕃茄牛肉湯 麻辣牛肉湯 實有一款啱你心水 仲叫左個小食 — 桂花雞翼,係炸既,皮唔厚脆身,同埋佢既桂花味原來係點跟碟上既醬汁 佢呢度仲有近期勁hit既鮮果茶 成杯有好多唔同新鮮生果,仲可以可自選甜度及冰量,我自己就好中意喇!因為夜晚唔飲得奶茶會訓唔著 叫左黑白配珍珠豆乳,甜度岩岩好,呢d大路飲品就無咩驚喜啦,值得一提既係個杯超靚呀 搞到我差d唔捨得掉 等我下次試埋佢既台式特飲奶茶系列先!佢出面仲有個外賣部專賣飲品架,選擇亦都好多! 不過點菜需要自行到櫃臺落order及付款,之後就有專人送餐。雖然出面有人排隊但都唔會刻意趕你交台,岩哂幾個朋友慢慢坐慢慢傾點擊圖片放大 溫馨小提示 : 繁忙時間都幾多人,我地都排左30分鐘先有得食,但叫到成枱都系野食,包括每人一個餐,加一杯飲品,再加小食,都只系每人100元多d,我自己就覺得幾抵食 *食完先知,原來桂花小幸除左將軍澳,係慈雲山都開左分店呀! 桂花小幸 B+BC Cafe 地址:將軍澳唐德街1號將軍澳廣場1樓133-135號舖 平均消費:$60-100 備註:不設加一,只收現金 xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx Like our Facebook Page:https://www.facebook.com/loveatgirlsss/ Instagram:loveatgirlsss