早前一個人去了四國旅行, 為了完成自己鐵道夢想, 決定唔坐巴士,由關西空港坐火車去高松, 仲要唔坐山陽新幹線, 改坐赤穗線。 唔講咁多,先SHARE住由關西空港去到岡山嘅火車先。 路程︰關西空港 –> 京橋 –> 大阪環狀線(一圈) –> 大阪 –> 播州赤穗 –> 岡山 –> 高松 車費︰2200 + 2740 = 4740yen (仲要比巴士平410yen,不過近7個鐘先到) 0530落機買JR West pass和單程票 第一架入站嘅係南海急行 我坐0708嘅關空快速+紀州路快速 真心覺得225系好型,點知一開波就坐到 :-D 由少人變多人再變番少人,0827到京橋 等車時影下對面嘅大版環狀線 一直以為大阪環狀線無哂103系,原來仲有4抽 跟住坐咗103系遊咗一圈,去到大阪轉JR神戶線0930新快速去播州赤穗 仲有大把時間,梗係把握機會影火車 福知山線321系 東海道線207系 223系 225系 D車一分鐘嚟一架,影到好鬼Hyper 諗住抖幾分鐘再影啦,點知一陣極度又沉又嘈嘅摩打聲傳入嚟 就知有特別啦! 381系 「Kounotori」城崎溫泉行 轉眼間0930嘅新快速入站,係223系, 以前玩電車GO玩得多,第一次坐都叫夢想成真, 不過坐左個個半鐘先到播州赤穗,中途仲要喺姬路拆卡, 落車果陣仲要得四五個, 架車轉眼就要番敦賀,嘩成200幾公里,果然係普通車長途線皇! 買個便當準備上車食,落番月台果陣赤穗線架115系亦剛剛到站 見到個司機到站之後又要即刻番轉頭開車,真係好辛苦 如是者又坐左個半鐘,終於到四國之口 – 岡山站 本來坐1312果班Marine Liner,點知掛住影相走咗班車, 不過好彩半個鐘一班,無啦啦多咗半個鐘, 於是又係咁影相嚕! 剛剛落車嘅赤穗線,以為好少人坐, 點知架車迫爆,差d仲要有人上唔到 終於有得抖下啦 另一架赤穗線213系,兩卡都係僅僅夠載 因美線Kiha187 「いなば」鳥取行 終於見到JR四國嘅列車啦,架Marine Line未入站之前 見到隔離線架8000系「しおかぜ」 終於我都上咗呢架223系5000番台入高松啦! 跟住就坐住Marine Liner入夢想中的四國了!喺分享整個旅程前,比我講吓JR四國的列車先啦! Camera︰Nikon D90 Lens︰Tamron 24-70/2.8 + Nikon 70-200/4