黎到第二日,食左個早餐先! 早餐要落B2食,由於實在係太眼瞓既關係,所以無影到相=.= (以前去台中都係住套房仔,無包早餐,我地就會出去自行搵食,但今次就餐餐都有包早餐)^^ 呢度既早餐係一SET,唔夠飽可以去食自助包同生果的~ 米粉好好味,件雞同薯條一朝早會太油、而蘿蔔糕就唔夠熱!如果要俾星,就三粒星星啦!但以呢個價錢黎講,都算不錯了! 食完上返去,話咁快就Check out啦,Check out 時間為12:00,比平時11:00遲一個鐘,遲一個鐘已經好好喇。今日我地出發去另一間文旅--紅點文旅,好期待啊! 開頭以為好近,點知係烈日當空下行左好耐先搵到,好彩有L先生呢個人肉地圖,對於一個路痴黎講,我係會認錯酒店的! 到喇到喇!原來由綠柳町文旅去紅點文旅,只要沿住條路一直行,行到中華路轉入去就得! 紅點去中華夜市真係一分鐘都唔洗,勁方便呢!