早兩日去左科學館睇難得一見嘅木乃伊, 係出發之前搵左Burger Room 醫肚。去到門口見到大大個Burger Room 招牌,仲有好多車肽做裝飾,發現佢比我想像中靚同型,同細細間果d burger 店好唔同。 我地咁啱坐左係bar台前面。 因為果陣都兩點幾,大家都好肚餓,所以兩個人都加左30蚊,變成set lunch,可以加杯飲品同薯條。 值得一提嘅係佢嘅menu都幾多選擇,有多款牛肉、雞肉同鱈魚漢堡,仲有好吸引嘅各種薯條同沙律。 小妹爭扎左好耐,叫左個牛油果芝士牛肉漢堡同蜜桃茶。 本身以為burger係fast food,點知我地落完單成半個鐘先有得食,估唔到食個burger都要等咁耐! 不過個burger係好大個!而且塊牛肉漢堡好厚,目測應該有2cm,睇到流晒口水,等得耐都值得嘅。只可惜d牛肉有筋,又唔夠多汁,影嚮口感。 友人叫左個鵝肝牛肉漢堡。拿拿拿!大家見到,塊肝真係好大塊又厚身,百零蚊絕對值。重點係連唔食鵝肝嘅我試完都覺得好味!煎得啱啱好入口即溶,又唔會騒,食完齒頰留香! 側邊配有柚子醋嘅生菜沙律,大大減低食burger 嘅油膩感。 我見有homemade peach tea以為係餐廳自己整嘅飲品,原來係樽裝茶。 總括黎講,burger room嘅漢堡好大份,係美國人size,都幾抵食,不過牛肉漢堡真係唔推薦,因為有好多筋,如果試可以考慮鱈魚、雞漢堡款。