放假就係同閨蜜朋友周圍食好西嘅時間,我地揀左呢間一直都好多人排隊嘅甜品店,想試佢個「震騰騰」嘅梳乎厘班戟! 〖梳乎厘班㦸〗 嘩嘩嘩,終於到左梳乎厘班戟出場,齋睇到佢個樣已經覺得好治癒,配埋糖漿同忌廉食好好味,但因為空氣感妹重,真係好似食左陣風咁!可惜呢度無得同大家分享佢「震騰然」嘅片段。 本身我地全係中間位,點知店員話要讓俾接住落黎嘅4個客,調左我地去bar台位,不過呢度都唔錯,有插頭可叉電,設計貼心,而且擺設感覺好muji - 簡潔。 〖士多啤梨班㦸〗 因為友人好想食士多啤梨班戟,所以我地都叫左,一上台真係好靚,即刻心心眼,同埋好啱忌廉怪嘅我,雖然兩個人食,感覺都好邪惡,看來減肥又離我遠了~ 兩個人食就10分鐘唔使就食完,但係齋幫佢地影寫真都影左成15分鐘,咁就過左個開心又滿足嘅週末啦! 〖排隊情況〗店面唔大,我地排第2都等左15-20分鐘。 〖店面設計〗 小妹好中意黃色嘅店面裝修,感覺好夏天、清新。