登龍街既拉麵店真係愈開愈多,近日又有一間新開張 : BaRi-Uma。 係廣島有超過100間分店 , 今次係香港既第一間分店,佢地 7 月 23 日先正式開幕。 一黎到試呢個圖片好吸引既特盛炙燒豚肉拉面($108)。 湯底非常濃郁,感覺冬天黎食會一流,我非常喜愛。 豚肉亦肥美,我唔怕肥膩既,所以可以大啖大啖食,不過真係溶化係口入面。 雖然冇面質揀,冇軟硬度揀,但面都可以算能夠掛湯,都唔錯。 醬燘雞鎚味玉拉面,呢個湯比豚肉既清,不過雞味都好豐富。 個雞鎚好好味,肉質嫩滑,不過得兩隻好似少左 d 。 個溫泉蛋都有水準。 Bari-uma 除左拉面,仲有小食,我地就叫左五樣。 餃子就試左三款,羽根燒餃子,照燒餃子,沙律野菜炸餃子,我覺得照燒最好味。 照燒餃子 羽根燒餃子 沙律野菜炸餃子 炸雞就試左兩款,燒汁唐揚炸雞同沙律唐揚炸雞,兩款都差不多,味道都只係普通。 燒汁唐揚炸雞 沙律唐揚炸雞 最後試埋炙燒豚肉海菭味玉拉面($98), 湯既濃度感覺係雞湯同特盛炙燒豚肉既中間, 亦有三大塊海菭同溫泉蛋,怕特盛炙燒豚肉太肥膩既,可以試左呢個先再挑戰 不得不提筷子既設計,係筷子頭度有好多一粒粒既紋,個作用係令到拉面不易滑下之餘, 亦令筷子能夠帶上更多既湯汁,真係有心思。 而食晒 d 面之後,飲埋 d 湯,碗底會出現"完食感謝"既字樣。 Bari-Uma HK 銅鑼灣登龍街28號永光中心地下 歡迎讚好我的專頁 & Instagram 多謝支持^^ My Blog: leung3siu.blogspot.com