【美食】大阪南船場 幸せのパンケーキ:必吃幸福滿瀉梳乎厘質感pancake 幾個月前才吃過南船場的幸せのパンケーキ,沒多久它就已經關門大吉了,但取而代之既係更為就腳的新開幕心齋橋分店!佢位於近美國村一帶,店舖就較為隱蔽,因為佢身處於地庫,一不留神就好容易走甩眼,所以要認住下面張圖個門口!除左樓梯位行落去,亦有升降機可以搭落去,但升降機位就唔係正門來。 點擊圖片放大 而因為現在已經有網上預約系統,所以今次我係預約左先來,咁就唔使等咁耐啦~網上預約系統很方便,只需要用email登記,入下基本資料就可以預約,除左星期六、日、假期和平日繁忙時間外,基本上任何時間都可以預約,留意返每個時段可以預約既位係有限制的(8個),還有佢個官網預約系統就比較慢,所以load嗰陣要畁少少耐性;如果冇預約又心血來潮想試的話,亦可以係門口位拎籌,籌上面有QR code可以查到叫到幾多號,咁就可以爭取時間係附近行下,唔使白等啦!而今次心齋橋店和南船場店的最大分別,就係店舖面積和人手!先講下個半開放式廚房,上次食就得一個員工負責廚房整pancake兼樓面,整pancake個鐵板就得一塊,所以都等得幾耐先有得食;而今次人手和鐵板都多左幾倍;而座位方面更加係幾何級數增加,由1x個位變5x,坐都坐得舒服左~ 點擊圖片放大 佢有提供中文menu,亦提提大家因為pancake係即叫即製,所以要耐心等一下,不過餐廳內係有wifi既,所以可以上網打發下時間。而今次萬聖節期間來到,所以有期間限定的南瓜口味pancake,當然就要試下啦!還有不能夠缺少的原味! 點擊圖片放大 先上枱的是原味,有看過我南船場篇和綜合介紹篇的也知道,我對原味是讚不絕口的,而今次依舊沒有令我失望,整體感覺輕盈,甜味和口感的平衡感覺非常之咁好!至於期間限定的南瓜口味,賣相非常吸引,尤其是那些南瓜汁望落去感覺好smooth,食落去南瓜味都幾濃,再加上南瓜籽脆脆的口感和pancake的軟身形成對比感,令口感豐富了,不過我不是太喜歡紅色一粒粒嗰啲,食落係脆但係太香,感覺有點奇怪,雖然佢令賣相好看左;而上面像薯蓉嗰球,其實都係蜂蜜牛油來,不過就加左提子乾,我本身幾抗拒食提子乾的,但佢混入左落蜂蜜牛油到我又接受到;另外仲有一堆好強奶脂味的忌廉,口感很滑;不過可能又有甜既南瓜汁、提子乾蜂蜜牛油和忌廉再加上pancake,個人覺得偏甜左,食落會有點膩,平衡感較原味稍遜,除非很偏好食勁甜,否則原味其實較南瓜味出色的。 希望下次可以再試下其他口味啦! 推薦指數:★★★★★ 抵吃指數:★★★★★ 地址:大阪府 大阪市中央区 西心斎橋2丁目10番32号 スマイルステップ B1F 另有多間分店,詳情請參考官網。 營業時間:平日10:00-20:00 (Last Order 19:15)六、日、假期10:00-20:30 (Last Order 19:40) 網址:http://magia.tokyo/ 「立」即去旅遊已經係Facebook開左專頁喇! 歡迎大家去比個like丫! https://www.facebook.com/lapstravel/