這次要介紹既並唔係一間餐廳,而係一隻超級好食既叫SO COCO既椰子布甸。事緣有一次行開citysuper,當時做緊promotion,話係由泰國入口,咁就試食一下啦(當時係賣緊$30一杯,現在是$32),一食就愛上左,因為佢椰子味超級濃!佢口感好豐富,除了嫩滑和入口即溶既椰子布甸外,仲有爽既椰子肉和椰汁!味道係超香!佢標榜係一款全素和全天然既甜品而且係底糖(約8.8g)同底卡路里(約180卡路里),絕對比平時出面甜品店既各式各樣甜品冇咁肥,減肥都食得,而且不含蛋和奶,驚食物敏感既人都可以試,食落去係甜但就唔會話封喉,買來做早餐配水果吃都得。價錢要$32一杯細細地係有點貴,但個人覺得物有所值,如果上網預訂就會平點,只需要$28一杯,不過就要一次過訂10杯或以上(包送貨去住宅戓公司,只接受過數,詳情請參考頁底網址),但因為佢係完全冇落防腐劑,食用期限比較短,所以我到現在都冇預訂過,只能夠想食既時候就去買杯~ 終於訂左第一次,由順豐快遞送到屋企(見張單都要$38運費),有哂保溫袋,又平又方便,好過出去買~ 點擊圖片放大 +3 除左原味外,佢都出左隻朱古力味,可可味都幾重,不過我就覺得普通左點,有點蓋過了椰子味和椰子香,不夠原味咁出色,朱古力迷可能會鍾意多點,但我就偏向推薦原味,質素真的好好! 速遞到~ 推薦指數:★★★★★ 抵吃指數:★★★★★ 網址:https://www.facebook.com/sococohk/ 銷售地點:全線citysuper 預訂網址: https://docs.google.com/forms/d/e/1FAIpQLSe1RTqiTmqNllpvfjuZcjitp8jJ4eYmDh-P-5k1CIj0CJI6Fw/viewform?c=0&w=1 或是whats app 6999 7333