Espresso Alchemy係一間我在尖沙咀晚餐的話,比較常去的cafe&西餐廳,因為佢既食品價錢相宜、份量充足、味道唔錯,性價比非常高!但偏偏位置隱蔽,因為佢位於現在專門買波鞋和運動用品的WK廣場(亦即係重慶大廈下面),好容易被人忽略。呢到係一間開放式的cafe&西餐廳,但佢身處於角落,所以都唔算係太開揚,比較少人會係側邊行來行去。如果係平時的時間(星期一至三)或什至星期日晚,食夠$100仲可以有85折,超級抵食!這裡人流都幾多,如果多人來的話,建議可以預先訂座,因為座位唔算好多。整個menu食物就貴精不貴多,麵包類有幾款、意粉類有幾款、扒類有幾款、小食有幾款,還有唔少得既咖啡,如果中午來叫主食仲可以以優惠價加配咖啡或是餐湯添!價錢方面都唔算貴,由4x-1xx都有,如果加埋折扣,真係抵上加抵呀! 點擊圖片放大 先介紹一下杯咖啡,我本身唔算係咖啡迷,平時好少飲,唔係太識分咩叫好定唔好,不過都覺得幾香濃,拉花都幾好,係杯不錯的咖啡。然後就介紹食物,第一樣係煙火雞胸意大利包配雜菜沙律($69),上枱嗰陣係比想像中份量大很多,即使係男士都會夠食,個包外脆內軟,再配上酸酸甜甜的醬汁,和一層又一層的蔬菜,既開胃又充滿豐富的層次和口感,集齊脆、軟、爽、酸、甜、鹹於一身,以$69黎講,水準絕對係中上以上;另一種係鮮蝦通心粉沙律牛角包($55),黑醋沙律份量很多,通心粉沙律更多到係牛角包到瀉出來,牛角包夠牛油香又脆身,美中不足係我覺得個牛角包可以大一點,咁樣係食既時候就唔會不停跌啲沙律出來咁狼狽,而夾於中間的沙律呢,以$55既價錢來說,當然唔會有鮮蝦,味道就不過不失,但質素對得住個價錢! 點擊圖片放大 然後就到雞扒漢堡配自家製咖啡燒烤醬($99),上面提及我本身唔係特別熱愛咖啡的,但這個漢堡包的咖啡燒烤醬就超特別和易入口,意想不到咁惹味,而且仲好巨型,雞扒亦煎得剛剛口唔會太乾身亦很juicy!連埋自家製醬汁真係令人忍不住想吃多幾口!佢亦配上份量很多的薯條,如果覺得唔夠薯條係可以另外叫的,但就會再配上黑松露蛋黃醬($49),不過份量就真係太多,如果叫左主餐食的話就一定食唔哂~而且我覺得薯條佢雖然唔燶,但我覺得炸得太硬,我亦唔太鍾意太幼身的薯條,隨主餐上的就足夠了,另外叫的話如果吃不完只有浪費,所以可以慳返(雖然個醬很惹味好吃)。 整體來說,這間餐廳以價錢和食物質素比例來說,絕對係性價比超高,特別係尖沙咀四圍食肆都較貴的地方,這間Espresso Alchemy絕對係鬧市中的一個驚喜! 推薦指數:★★★★ 抵吃指數:★★★★☆ 地址:尖沙咀彌敦道36-44號重慶大廈地庫WK廣場36號舖(另有鰂魚涌和葵涌分店) 營業時間:10:30-22:00 電話:2721 1138(可訂座) 備註:於openrice有提供餐廳優惠(逢星期一至三全日或星期日18:00-21:00滿$100有85折,公眾假期除外)