其實本身冇諗過會幫襯千房的,但因為原本想去的味乃家在下午茶時間去到,依然非常之爆場,母親又很想吃一下大阪燒,去到美津之又係咁多人,經過千房冇乜人就入左去了。裡面大部分食客都係遊客,想先講一點,就係這裡的衛生環境有待改善一下,門口外的位置入去時要先穿過一·大·堆·蒼·蠅!印象分即刻大減啦,真係要想下點解決呢個問題,因為我記得上一次三年前來的時候,這個問題已經存在!今次仲多左,而且連食店內也有!(舊一篇按此) 去返正題,今次就冇坐係師博前張枱,但自己張枱都有塊鐵板,坐低咗之後就送上menu,已經完全係中文版。因為唔想食得太飽,所以求其叫左兩樣野,一樣係招牌的道頓堀大阪燒(1620日圓),還有就係什錦炒麵(1296日圓)。 點擊圖片放大 +3 師傅整好後會送上枱,再放返落鐵板到㷫住佢。首先上既係炒麵,味道不過不失,有點像foodcourt吃過的貨色,給人一種粗製濫造的感覺,明明用了鐵板炒但都冇咩鍋氣,沒有炒的感覺;食完就到送上大阪燒,吃下去煙煙韌韌,粉就厚了一點,材料有魷魚、豬肉、蝦、牛筋和芝士,但因為佢整得不夠均勻,有些位置會吃不到材料,水準只係比foodcourt水平高一點。 如果要吃大阪燒,有時間的話,還是去排下隊好了~冇時間就盡量避開多人時間去啦。 推薦指數:★★☆ 抵吃指數:★★☆ 地址:大阪市中央区道頓堀1-5-5 營業時間:11:00-01:00(日、假期11:00-24:00)(Last order關店前1小時 ) 網址:http://www.chibo.com/