日本”曼秀雷敦” Hand Veil Premium Rich Moist保濕夜用護手精華霜

踏入秋冬季節,天氣比較乾燥,小妹LaLa雙手容易乾乾,什至十隻手指出現倒刺,用普通Hand cream都冇幫助,甘啱係Manning發現咗呢個睡前手部Sleeping mask,連雙手都可以瞓住覺做facial,用咗 1個星期,大大改善倒剌問題,就算成日唔多搽hand cream,都唔會太乾,大推!

佢專為雙手乾燥研發,目的係瞓覺中黃金時間進行修復,集中保養,促進血液循環,透過獨特高保濕黃金修復粒子進行深層滋潤及修護,而且原產地係日本,用得安心.

成份:

  • 摩洛哥堅果油 : 直接滲透到角質層深處,修復乾燥肌膚
  • 維他命B2:改善手部肌膚乾燥
  • 維他命C和維他命B6:鎖水保濕,對付皮膚因乾燥而造成脫皮及龜裂
  • 植物性膠原蛋白 : 補充營養,維持水油平衡

*** 使用方法 : 按摩至表面黄金粒子消失為止.

Posted in 護膚 | Leave a comment

日本”Care Cera”AP Lotion 保濕乳液

小妹LaLa前排煩咀角皮膚問題,宜家又到條頸,突然出現一撻泛紅同痕癢,好彩之前用開個支泡泡沐浴最近推出左支新lotion,佢專為持久性乾燥敏感肌膚而研發,以「Ceramide Barrier肌膚屏障」護理概念,為肌膚鎖水,全日本製,有信心保證,用左2日,痕癢已止,再繼續10日,泛紅已退,大慨2星期問題解決,最重要呢隻乳液清爽唔笠,快速滲透,有高保濕鎖水功效,令肌膚回復柔滑健康,提升滋潤度.

 

呢支Lotion為肌膚補充7種天然「Ceramide細胞間脂質」,仲係全球首個品牌加入Ceramide-Plus抗敏因子,令肌膚自我增生 Ceramide,增加肌膚細胞數量,從根本改善乾燥敏感問題,肌膚鎖水力一日比一日強,keep住穩定健康,甘就唔會甘容易敏感覆發.

姊妹們一定會問Ceramide係咩黎?佢就係乾敏肌缺乏嘅重要成分,能滲透至乾燥敏感肌根源嘅角質層,加強水分子密度,抗禦外來刺激,持久滋潤,如果缺少Ceramide會導致肌膚屏障功能減弱,有機會出現乾燥、痕癢、粗糙、繃緊,甚至脫皮問題.

配方 : 不含頪固醇、香料、色素,更加不含5大致敏物 (致敏防腐劑MITCMITparabenSLSSLES)

* 適合持久性乾燥、敏感、濕疹肌膚每天使用,成人及幼兒均可,而且佢通過敏感測試、低刺激性同弱酸性

Posted in 其他 | Leave a comment

英國”Pommade Divine” Nature’s Remedy Balm多用途美容軟膏

踏入10月,時濕時乾,小妹LaLa一邊咀角突然出現泛紅同脫皮問題,每晚唔係搽娥羅納英就凡士林,可惜2個月都未有好轉,前排行Hysan,見Sales介紹呢隻balm,就買回試下,點之搽左1個星期,已經冇甘乾泛紅減少,用咗1個月,巳好轉7-8成,如果有姊妹近期個鼻翼或鼻頭一上妝就脫皮,晚上瞓前薄薄搽,都好快解決脫皮狀況.

呢隻balm係英國皇室御用藥劑師公司旗下品牌,巳有300年歷史,佢獨特嘅配方可以迅速修復,深層滋養乾燥同受損肌膚,除左緩解慢性皮膚症狀,又可以防爆拆同快速紓緩肌膚輕微損傷, 如瘀傷、燙傷、割損、擦傷同蚊叮蟲咬,而小妹LaLa就用嚟搽係吱完暗瘡嘅傷口,第二日已經傷口唔痛,再搽多數天,傷口快速埋口,印都淺咗啲,另外可以用嚟深層滋潤保護,用係乾燥/瘙癢皮膚,以及指甲邊位角質層護理、腳跟、或乾裂嘅唇及手,而且唔含礦物油 / 合成染料 / 香料,嬰幼兒亦可以安心使用.

 

97%天然成分,主要包括

Benzoin 安息香

Cloves 丁香

Nutmeg 肉荳蔻

Cinnamon 肉桂

Posted in 護膚 | Leave a comment