好多人都知元朗出名食店- 華嫂冰室 雖然華嫂冰室係其他地方都開左分店, 但元朗店依然咁多人 其實個位都好荒涼下, 周圍唔止無其他野食, 係咩都無 超多人駕車O黎 當日等37枱....等左1個鐘 就係因為周圍無其他野食, 而佢不停有人食完買單走(因為位置細唔會坐得耐) 由唔算好餓等到好餓 等位途中會落埋野食, 因為坐底左無得加單.... 當日雖然好多好多人, 華嫂亦有在場送餐, 但全部人都無忙到黑面同態度差, 連食客都無因為等得耐而煩躁!? 天氣凍, 主要為左個冬蔭公湯米線O黎 少少辣, 湯底質感厚, 凍凍地食勁正 仲有招牌豬扒, 而且2塊, 不過元朗好多豬扒都好食, 呢個味道算中上 冬蔭公湯其實唔係呢度招牌, 蕃薯湯先係 勁濃郁, 雖然我都係鍾意勝香園多D 雞翼是鹵水及有酒香的 招牌菠蘿包 真的是招牌來的 菠蘿包熱烘烘的(落單即焗熱) 面層勁脆, 而且帶點奶香 幾乎每兩個人點2碗粉+1個菠蘿包