湯田溫泉通免費足湯巴士預料5點會到山口駅而去新山口駅嘅JR列車就會5點半先抵達山口駅中間就有半個鐘空閑,做咩好呢?突然諗起山口市湯田溫泉通有免費足湯可以浸就即刻4點9係湯田溫泉通落車 湯田溫泉係山口縣比較出名嘅溫泉勝地有見及此,山口市政府係呢湯田溫泉通興建左6個免費足湯比大家嘆下 如果大家經過就記得去浸下啦不過都要自備抹乾毛巾啦我落車係個站叫湯田溫泉通對面有個觀光案内所,個度已經有一個免費足湯不過超多人坐滿曬,所以我無浸 另外有個飲泉場比大家飲下泉水不過好L熱,完全飲唔到! 我去左附近另一個免費足湯,位於井上公園仲要無人浸 一除鞋同襪,捲起條褲擺我條美腿落去我真係講曬粗口,熱到PK 爭d灼熟我條象腿,超級熱啊我唯有擺下又縮下......玩左一陣頂唔順就抹乾然後著鞋走人見有時間就慢慢行去最近嘅JR站 – 湯田溫泉駅周邊環境其實都唔繁華點擊圖片放大 雖然只係好短暫嘅時間但山口市比我感覺其實都好樸素,有少少鄉村Feel比起我以前去嘅德島同高知等仲落後,名副其實係三綫城市八天堂返到廣島駅,第一時間9秒9跑落去攞返件行李然後再入返新幹綫入口去廣島著名甜點鋪 八天堂 八天堂最出名係忌廉包淋身麵包裏面加上各種口味嘅cream係入面外層個包有少少似平時d餐包,不過就完全係淋曬 我就買左原味吉士 210円雖然有好多人讚到天上有地下無但老實講,我覺得真係非常普通,物非所值 個包好淋,好似水份過多嘅麵包不過cream都好正,好軟滑又味夠濃 總括黎講,我寧願食個Cream Puff不過我成日都話,味道呢方面好主觀無論係用咩食材,好味還好味,鐘意還鐘意作爲名物,都不妨買個試下我就試完啦,覺得不可再,你呢?