之前情人節買左幾個批慶祝下,糯米糍網店做到上樓再賣埋批,買左情人節限定產品,一百蚊買哂一連三個一齊食。 點擊圖片放大 +2 入去就見到好多報導介紹,仲有好大個雪櫃放左糯米糍,原來而家仲有雪糕賣真係愈黎愈多產品可以買喇。 一盒有三款,個盒白色有埋標誌,入面放哂三個情人節批好靚。 先食左《酸甜草莓》,好大個紅色既心心應哂節,咬開心心入面就有大大粒士多啤梨,食落唔會死甜批底幾薄身同好脆。 第二款試《玫瑰百利甜酒》,上面玫瑰花係食得架,甜酒陣味幾香加入左57%朱古力,賣相滿分食落甜味太重有啲漏。 最後一款既《焦糖蘋果》面頭淋滿焦糖醬,食落焦糖味唔係好濃,蘋果一大個放上面好足料不過有啲硬身。 加多左款《阿華田麻糬》($28),上層阿華田吉士慕絲質地,中間奶香較重下面就俾煙煙韌韌既麻糬,一個批食哂幾種口感。 店名:feifei.crazypie 地址:觀塘港貿中心1305室 即刻入去Like & Share埋我地既其他頻道: Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193