荃灣路德圍算係各國野食既集中地,地道小店又有,台食韓食中菜都有,呢間韓國菜人流不絕,望入去見到人地食炸雞超大隻啖啖肉。 用左都幾韓式既設計,紅磚牆仿鐵筒座椅,好似韓燒店既擺設,不過呢度就係食好多韓式小食,又有炸雞豬手鐵板等等。 先黎前菜,係我最鍾意食既前菜之一豆芽,如果個菜可以落多少少麻油就更好喇。 今日收工獨自晚餐食唔落炸雞,唯有叫個《例牌大韓無骨豬手》($68),例牌都唔算好少,半隻碟都舖滿哂豬手,切開哂方便食之外仲灑上左芝麻更香。 每份都配上左一碟蒜片同一碟豆瓣醬,可以將佢地連埋豬手一齊食。 點擊圖片放大 先放上豬手上紫生菜,再點上豆瓣醬同蒜片夾埋一齊食,一啖肉再一啖皮脂,香味十足仲可以搭埋泡菜同醃蘿蔔食。 點擊圖片放大 整多個《豬肉粉絲餃拼紫菜粉絲卷》($42),加左$15要鐵板芝士,黎到熱辣辣真係超多芝士可以勁拉絲,紫菜炸到脆身更香口,入面仲有條條粉絲。 韓國餐廳點可以唔飲《米水》($16),甜甜地既米水再加上有粒粒淋哂既米,食完就飲哂成罐! 而家仲有做緊新張特價小食,廿幾蚊就食到份小食真係抵到爆。 店名:韓閣 地址:荃灣路德圍運通街地下10M號舖 即刻入去Like & Share埋我地既其他頻道喇 Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌: 點擊圖片放大