囍帖街重新裝修之後多左好多食肆,西式中式咩都有,呢間係米芝蓮推介既越南生牛肉河,作為牛牛迷既一定要試喇! 門口已經有招牌去介紹招牌既生牛肉河,睇樣真係好吸引。 入面同出面都有位,出面既位都幾方便俾人一路傾計一路飲野。 點擊圖片放大 先黎最期待既迷你生牛河($68),原來個size都唔算迷你,湯底好濃生牛肉睇得出用料好靚,特別地order加左牛脷札肉都好淋又入味。 呢個好特別既菜式,豆腐薯條($68),將豆腐整成薯條形狀,再用蒜鹽調味,口感似台式臭豆腐但係無果陣臭味,無點醬都KO左一碟。 五香炸無骨雞翼($78),呢個好方便因為全部都係無骨啖啖冷,雞肉依然嫩滑多汁,外皮炸得香又夠脆配酸辣羅望子汁更惹味。 仲有椰青飲($45),一邊食一邊飲好滿足,椰青勁清甜。 店名: La Bo La 地址: 灣仔皇后大道東200號利東街地下G02-03號 即刻入去Like & Share埋我地既其他頻道喇 Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌: 點擊圖片放大 +2