18 SEPTEMBER 2015(FRI) 早幾日小小豬都唔舒服,食左幾日藥,人仔都即刻好似瘦左啲(可能係心理影響)。見佢有返啲胃口,即刻煲啖清清地湯,等佢補返下先,所以就煲個合掌瓜馬蹄紅蘿蔔瘦肉湯啦~ 材料其實都好簡單,都係一啲合時嘅蔬菜,合掌瓜3個、紅蘿蔔2條、馬蹄約十多粒、瘦肉約$30~ 其實如果用豬展的話,啖湯係會甜少少,不過始終小小豬剛病好,所以我就用瘦肉啦! 合掌瓜去心切開一半~ 紅蘿蔔去皮切塊~ 馬蹄去皮,依一個係我最討厭嘅動作,不過原來馬蹄可以清熱消腫散結,而且有助解鉛水毒(我都係上網睇到),所以辛苦少少都要煲嚟飲呀~ 瘦肉洗淨汆水備用~ 煲內放約3L水,然後將加入所有材料~ 待水滾後轉慢火煲一個半小時~ 最後加鹽調味....飲得啦~ 有飲湯又可以將啲湯料當其中一個餸,一湯兩食真係啱晒我啲師奶仔呀~ 味道清清地又有少少甜,都真係唔錯。依家啲天氣真係唔係咁好,加上又係剛剛開學,好多小朋友都好似小小豬咁唔舒服。真係要等佢地有胃口時煲返多啲清潤湯水,可以加強身體抗拒力,同時儲定啲能量留返唔舒服時用嘛! MY FACEBOOK~ MY INSTAGRAM~ MY WEIBO~ MY E-MAIL~ 其他博客區 ※※ SINA ※※ ※※ MyBB星級Blogger ※※ ※※ 熱新聞專欄 ※※ ※※ 博勢力 ※※ ※※ She.com ※※ ※※ WeShare ※※ ※※ theZtyle ※※ ※※ U-Blog ※※ ※※ SeeWide ※※ ※※ BlogSpot ※※ ※※ BK Milk 親子語 ※※