因為日劇「深夜食堂」,亦因為日劇「孤獨的美食家」,令我好想一試化身孤獨的美尋找我的深夜食堂! 「一天結束,人們趕著回家之際,正是我一天的開始。 菜單只有這些,隨客人心意下單,只要辦得到的都會做,這是我的經營理念。 營業時間是午夜十二時至清晨七時,大家都叫這裡做「深夜食堂」。 菜單只有這些如果客人想點其它的,「我會盡量做」(深夜食堂開埸對白)」 世界上最美味往往唔係山珍八味,而係小時候嚐過既普通而又唔起眼既食物,因為每當再次品嚐嘅時候,味覺最能夠帶我地回到最美好嘅回憶 東京入夜以後,橫街小巷唯一尚營業就喺居酒屋同食堂。地方空間雖然狹窄,而且大部份因為可以抽菸而顯得煙霧彌漫,不過,保證食物夠道地又夠好味,就好似《深夜食堂》入面的主客關係,喺呢度將會被老闆和美食及人情味打破。無錯,喺呢度就係食味道,食物嘅美味,人嘅人情味! 今次去東京去左一間唔係小巷入面,而係橋底下面嘅懷舊食堂-‐まんぷく (日文:まんぷく,意思滿腹,店名即係食到 好飽) 走入(Yuraku Concourse)弧型橋底入面,就好似走入時光隧道一樣!! 店外店內都貼滿懷舊電影海報,而且門外有一個仿昭和風巴士站牌,好有日本風味! 由於我同朋友拖住兩喼戰利品,尚未行到門口,店主已經出黎招呼我地,仲叫職員幫我地放好啲喼!好似入左酒店一樣,當我地一坐底,店員已經準備好(日文,英文,中文)menu比我地揀,雖然呢度非常少旅客黎,但叫野食竟然有中文餐牌,好方便!! 落單後,我一面等食,一面由格仔木窗望出去,有一張好長好長嘅餐枱,坐滿唔同年齡層嘅日本人暢飲暢談~同店內氣氛唔同~ 一坐底就會送上前菜,杯mojito好似有sake味 ;-) 賣相未必最好,但味道相當不俗 去開銀座的話,不妨一試 地址: 東京千代區有樂町2-4-1 營業: (一至六) 24小時, (日) 6:00am _1:00am 網址: http://www.manpukushokudo.com/index.html 消費:400yen ~ 1500yen