今日去呢個地方未必咁啱小朋友去 其實只係我想去就叫佢哋兩個陪埋我 就係成日行開行埋但係又冇機會入去嘅「雷生春」 【呀劍萬帥facebook專頁 http://www.facebook.com/kimfamilytraveltips】 我哋喺屋企食完個早餐 跟住就出發行去雷生春，無錯，係行去，真係好近 平時經過得多，今日終於有機會行入去參觀！ 對於佢哋嚟講，佢哋都未知咩叫中醫 佢哋只係知道去咗一楝好古老嘅建築物裡參觀 入到大門口，睇到好多地方都保留番原有嘅建築！ 因為我哋早咗10分鐘到，所以我哋係地下呢層周圍睇吓攪吓嘢！ 地下呢層有個涼茶檔，途人都可以行入嚟買番杯涼茶 門口側邊就放咗一D展板同小冊子俾遊客攞嚟睇 仲有呢個櫃枱，放咗個算盤！我同哥哥講呢個就係古代人嘅計數機 點知佢反問我「咩叫計數機？」 點擊圖片放大 芊芊自己主動走埋去個人影展板度叫我同佢影相 原來以前雷氏家族喺呢個位置係開藥房！ 點擊圖片放大 +3 呢度都保留番好多原有嘅物件 仲有呢個舊鐵閘都仲喺度，但係就已經裝咗塊玻璃喺度，唔會再開開閂閂！ 到咗11:00有職員帶我哋上去開始參觀 除咗我哋，仲有兩個中學生參加咗導賞 佢哋全程都冇出聲，只係拎住本簿同支筆一路行一路記低 我哋由三樓開始行 點擊圖片放大 +3 佢哋兩個悶到扮瞓著咗！其實我都係一半專心 可能導賞員要諗吓點樣先會講得生動D! 點擊圖片放大 之後我哋就行館外嘅樓梯上到去天台 天台上面係一個小小嘅花圃 唔算好大，種滿各樣中藥草同花！ 呢個係當年雷氏一家廚房煮飯時用嘅煙囱 依家當然已經冇用！只係保留番呢個舊有嘅特色 點擊圖片放大 呢盆好似貓鬚咁嘅植物好得意！ 參觀完天台我哋就沿住頭先嘅樓梯直接行落去二樓 喺Lift口見到呢幅古法炮製嘅牆畫！ 點擊圖片放大 呢個係邊個...佢就係「華駝」啦 點擊圖片放大 最後去到一樓認識一吓咩叫涼茶 早於在「神農氏」已經出現涼茶呢樣嘢！ 最後落番地下，一落樓梯就見到兩個人型石像！ 一個大夫幫緊一個人睇病，正所謂「望、聞、問、切」 我都識少少㗎！導賞姐姐問Hysan點解你知右邊係醫生，左邊係病人 佢話「因為見到醫生摸住病人隻手」 佢意思係大夫幫緊病人把脈 點擊圖片放大 +2 Photo by CANON 5D Mark III, Len | EF 24-70mm f/2.8L USM 呀劍評分: 6分 呀劍評語: 雷生春呢款咁有歷史價值嘅建築真係要好好保全，有機會都要帶小朋友去影吓相睇吓！因為今日唔知聽日事，唔知會唔會有一日俾政府拆哂... 雷生春 簡介 2008年政府將雷生春納入第一期《活化歷史建築伙伴計劃》，香港浸會大學最終成功獲選，將雷生春改建為中醫藥保健中心。活化工程於2012年初竣工。同年四月，香港浸會大學中醫藥學院 — 雷生春堂正式投入服務。 診症時間 (敬請預約) 星期一至六: 09:00 – 13:00; 14:00 – 18:00 星期日: 09:00 – 13:00 公眾假期休息: Closed 導賞團服務時間 (敬請預約): 星期一至五: 14:30 & 16:00 星期六 : 09:30 & 11:00 網上預約: http://scm.hkbu.edu.hk/lsc/tc/registration.html 費用 免費入場 地址 九龍旺角荔枝角道119號 交通 港鐵太子站C2出口往深水埗方向步行5分鐘 網址 http://scm.hkbu.edu.hk/lsc/tc/index.html 電話 3411 0628 / 3411 0638 電郵 lsccmc@hkbu.edu.hk (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
