再一次因為平價票去日本,今次目的地係福岡,一共去咗八日。 福岡 ->熊本->由布院 ->福岡 本身我就好鍾意Kumamon,咁當然要講咗熊本先啦!講起熊本,好多人都會去阿蘇火山,但我之前去過櫻島火山,始終對火山都無咩興趣。去熊本,就喺為咗尋找我最愛嘅Kumamon! 喺熊本,有Kumamon主題房嘅酒店有三間,因為budget問題,今次就揀咗住熊本三井花園酒店(另外兩間酒店喺熊本全日空 Newsky 飯店,同埋新大谷飯店)。如果一家大細去熊本,或者有多啲budget,就唔好揀呢間喇。間房超級細,不過一分錢一分貨,五百幾蚊就住到Kumamon主題房都好好喇。其中Kumamon folder,明信片,同埋水都可以拎走。 點擊圖片放大 +2 除咗房入面,酒店大堂都有好多Kumamon :) 點擊圖片放大 +2 放低行李之後,我嘅Kumamon之旅就由上、下通開始。日本嘅鋪頭多數都好早開,但上、下通,喺朝早十點幾仲好似死城,唯有去食個早餐先。 去嘅時候撞正Kumamon生日 :) Mister Donuts. 超得意嘅限定版士多啤梨味 適逢士多啤梨旺季,去到邊都要食士多啤梨。 連包裝都咁得意,點捨得食 行完上、下通,就去咗Kumamon square,平時Kumamon無活動嘅時候就會喺嘅部長室出現。當我以為自己係一個Kumamon嘅super fan,但我去到Kumamon square就發現自己根本微不足道。 其實全部都係日本人,Kumamon超級受歡迎 小擺設都勁精緻,隻隻Kumamon都唔同樣 Kumamon喺佢office搞抱抱大會 <3 原來咁多人排隊,只係可以抱一下,連相都無得影.......不過Kumamon又幾好攬:p 喺熊本呢一日,我最最最鍾意嘅係呢間以kumamon為主題嘅酒吧! 朝早經過嘅時候,見到咁得意已經打算去 點擊圖片放大 +2 連天花版都有Kumamon 完全睇唔明嘅MENU... 500yen左右就有一杯酒, 配菜都好好食 900yen左右連樽 香蕉乳酪味嘅酒....好奇心驅使下叫咗一杯 估唔到呢杯香蕉乳酪酒又幾好飲 :p BTW, 呢度有個Bartender好靚仔, 英文都唔錯:) 唯一嘅遺憾就係天氣麻麻地,得一日時間,唔夠時間行熊本城。不過如果唔係Kumamon fans,可能去阿蘇或者搭SL人吉可能好啲。如果唔係,留係熊本市內,一日到一日半應該咩都夠晒。 ************ 想睇更多相/旅遊資訊,記得Like我facebook page啦!(@゜▽゜@)ノ Fly Pig To The Earth - 港豬出城