早前係尖沙咀食過芝士瀑布Pizza, 今日又比我路過發現左附近有間韓國餐廳, 有一道更為邪惡既炒飯!!! 令我務必將減肥計劃押後, 立即要入去一試! 店內播著韓國MTV Music, 增添韓國氣氛, 店面唔算大, 但空間感都過得去, 起碼唔會坐得好迫。 先點左個炒飯, 再點左個韓國炸雞, 上菜都算快。 【秘製章魚蛋漿熔岩炒飯】HK$168 芝士味唔算太重, 反而蛋味較為突出, 整體冇預期中咁溜~ 入口軟綿creamy, 當中夾集左細細粒既章魚粒, 帶煙韌口感, 但份量唔算多, 兩個人share都未飽, 仲可以食其他野。 個人覺得價錢偏貴, 但試一下又無防。 點擊圖片放大 +7 呢度亦提供多款炸雞選擇, 更有有骨/無骨之分, 相對無骨會貴二十元。 【蒜香無骨炸雞】HK$228 即叫即炸, 不過呢款炸雞係以蒜汁淋上調味, 本身炸雞已不算太脆口, 淋上蒜汁更令炸皮林了, 香蒜味亦唔太香口, 不過肉質唔會太乾, 如果個蒜汁分開放, 口感上應該會好一些。 呢度亦提供多款韓國罐裝飲品/酒精飲品, 雖然唔係咩餐廳調配既特飲, 但香港市面未必會咁易搵到。 【韓國有汽菠蘿汁】HK$27 ———————————————— 餐廳名稱:OPPA Coffee Bar Restaurant Address: 尖沙咀金巴利街1號F地下 Tel.: 37059590 營業時間: 星期一至四: 12:00-23:30 星期五至日: 12:00-00:00 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================