一間位於佐敦主打漢堡既小店, 漢堡包款式唔算多, 但味道很有驚喜, 價錢唔太貴, 而且款式仲照顧埋 #素食者 tim~ 【經典牛肉漢堡】HK$58 呢款漢堡包包括有特選美國牛肉漢堡扒、蕃茄、生菜、美式芝士、自家制燒烤醬, 我仲額外加左波特菇(+15)同埋菠蘿(+$20), 令Burger更加豐富。Burger內層塗上牛油再稍為烘過, 有少少脆, 食落味道唔會好寡。 Burger超級juicy, 漢堡扒keep到豐富肉汁, 半溶芝士跟漢堡扒溶為一體, 好邪惡啊~ 當我一路食既時候, d汁不停湧出, 事關波特菇都超級juciy啊!! 甜甜的菠蘿表面稍為煎過, 再配上新鮮生菜, 完成滿足到味覺同口感。 另加HK$22 轉套餐 (配薯條+飲品) 即炸粗直薯條, 略帶脆口, 唔會油膩~ 至於同行素食朋友既漢堡亦都唔差~ 【烤大菇漢堡】HK$48 當中包括有大大個波特菇、雜菌菇、車打芝士、生菜、黑松露芝士醬, 再額外多加牛油果(+$20)。牛油果岩岩熟, 軟硬度剛剛好, 整個Burger同樣好Juicy, 有好香濃既黑松露味, 而且唔同既菇菌令口感層次豐富。 除左主打burger, 呢度亦提供小量小食, 【蜜糖烤粟米】HK$32 原條栗米沾上蜜糖再稍為烘過, 食落唔會太乾身, 表面仲曨上芝士粉, 甜甜的栗米配上鹹鹹地既芝士, 味道很正!!! 整體黎講, 呢度野食很有驚喜, 超出預期既好食, 不過店面較細, 只有少量座位, 而且都是高椅, 坐得唔算太舒服。開放式廚房雖沒有油煙, 增加煮食透明度, 但店內冷氣不足, 開埋風機都比較熱...但野食味道同埋服務質素的確係一流的!! ———————————————— 餐廳名稱:Burger Lab Address: 佐敦庇利金街14-22號地下3號舖 Tel.: 92133315 營業時間: 星期一至日: 11:00-21:00 不設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================