立山黑部一日遊（3）－大觀峰／黑部平／黑部水庫／扇澤 喺室堂遊覽完，當然要繼續行程。 我哋喺呢個全日本最高車站－「室堂站」搭立山隧道無軌電車去大觀峰。 立山黑部「阿爾卑斯山脈路線」交通指南 立山黑部阿爾卑斯路線（日語：立山黒部アルペンルート）是一條連接富山縣中新川郡立山町立山站和長野縣大町市扇澤站嘅道路，係一條非常著名 嘅山嶽觀光路線，開通於1971年6月1日。整條路線最大高低差達到1,975米，使用包括了鐵路運輸、纜索鐵路、公共汽車、無軌電車和索道等多種交通方式接駁而成。 由室堂到大觀峰只需要10mins車程。 喺室堂都冇見到，竟然喺大觀峰站見到勁多立山•雪の大谷嘅宣傳物。 嚟到大觀峰，一定要上去屋上展望台。 由車站屋頂展望台，可晀望日本立山阿爾卑斯山脈以及黑部水庫嘅壯觀全景。 呢度係立山黑部阿爾卑斯山脈路線中其中一個必到之地～嚟到先知有幾靚、有幾正！ 從屋上展望台可遠眺夏天仍有殘雪嘅日本三大雪溪之一－「針木大雪溪」，以及日本百名山之一－鹿島槍岳(2889公尺)。 由大觀峰站可以轉乘立山架空索道 呢條立山架空索道係全日本最長無鐵柱索道 由大觀峰到黑部平，全程只要7mins 車站外有座庭園，亦有一個高山植物觀察園。 而係車站上亦有觀景台，可以望番上去大觀峰。 當然仲可以眺望四周雄偉嘅山脈及黑部湖嘅美麗景色。 喺黑部平乘搭黑部登山纜車去黑部湖。 5分鐘後就會嚟到黑部湖。離開登山纜車站，就會見到前往黑部水庫嘅指示牌。 要去黑部水庫首先要經過一條隧道。 隧道末端有扇巨型嘅藍色大門，令我即刻記起《藍色大門》呢套電影。 一出去就會見到黑部湖出現喺眼前。 由關西電力公司一手打造嘅黑部水壩（黒部ダム），位於日本富山縣中新川郡立山町、黑部川水系黑部川上建設嘅水壩。水壩有利用貯發電嘅黑部川第四發電所（黑四）、故又名黑四水壩（黒四ダム）。 立山黑部「阿爾卑斯山脈路線」最早其實係為咗搬運黑部水庫嘅建材而修建。由於第二次世界大戰後，日本經濟快速成長，因為電力不足，關西地區經常停電，而需要建設水力發電廠。 關西電力公司當年以513億日元建設，相等於宜家嘅1兆日元。黑部水庫建造一共歷時七年，終於喺1963年，黑部水壩正式完工啟用。水庫竣工後開放給一般遊客參觀。 排水量： 每秒10 立方公尺 ／ 蓄水量：2 億立方公尺 ／ 發電量：每年10 億kWh 黑部水壩係日本代表水壩之一，建喺海拔1454公尺高，堤高186米，係全日本最大嘅拱形水壩。發電量足夠100萬戶1年用電量！ 而為了保護自然景觀和避開雪崩，發電廠設在水壩下游10km處的地底下。 企喺黑部水壩中心點向下望，嗰下覺得如果有得玩笨豬跳就好喇！ 由黑部水壩攔截御前澤所形成嘅人工湖－「黑部湖」，貯水量喺2 億立方公尺以上，係日本最大嘅水庫。 上圖左上方就係展望台。嗰度可以睇晒整個黑部水庫嘅景色。係嗰度可以觀賞每秒鐘10噸以上萬馬奔騰般嘅水壩洩洪與彩虹出現景色。可惜我去嘅時候，係冇得睇洩洪嘅！點解？ 因為日本人實在太聰明喇！完全將「期間限定」玩到出神入化。為咗吸引大家嚟立山黑部阿爾卑斯山脈路線玩，所以每個季節都有特別嘅景色俾大家睇：春天有雪之大谷、夏天有水壩洩洪、秋天有「三段染め」紅葉，冬天就因大雪關係關閉路線。單係咁就已經要去三次喇！ 春天嚟到黑部湖就會見到湖面上飄住好多流木。因為融雪嘅關係，枯木會隨水流到水壩邊。 當時所見，職員都儘快將流木清理，等6月底水壩可以順利洩洪。而電力公司會將流木回收再用。 黑部湖係水庫湖百選之一 黑部水庫，標高1454米，係全日本海拔第一高嘅水庫 當時建築黑部水庫工程中動員1000萬名工作人員。 喺黑部水壩石碑旁邊就係當年嘅慰靈碑，紀念171名建設殉職者。當日嚟到見到有職員負責打理，獻花亦好新鮮。 因電影《黒部の太陽》而出名嘅「黒部の太陽湧水」，當初喺開挖水壩時，因為爆破所湧出嘅大量冰水，令開鑿關電隧道嘅施工人員吃盡苦頭，更造成傷亡。後來將小部份冰水引流到呢個湧水口，為遊客供水。 離開黑部水庫，又要行一條長長嘅隧道。 隧道內好陰涼，只有11度，6月竟然係咁嘅溫度實在好舒服。 喺車站內亦可以去到水壩展望台。 喺車站見到我哋嗰晚要住嘅大町溫泉鄉嘅poster，好期待啊！ 啱啱遇上黑部水開通50周年。 石原裕次郎製作咗以黑部水庫為題材嘅電影《黑部的太陽》（黒部の太陽）。由當時巨星們逼真演出嘅電影「黑部的太陽」相當有名，而建設黑部水庫嘅故事亦好似美國胡佛水庫咁樣，被代代相傳落去。 原來當時整個黑部水庫開發過程中，最艱難嘅工程就係現在關電隧道無軌電車行走嘅隧道。 喺呢個區域係以秒速噴出600公升地下水及大量土石，所以單係挖掘80米就用咗長達７個月嘅時間。 搭關電隧道無軌電車由富山縣黑部水壩站（海拔1470公尺）穿越赤澤岳（海拔2678公尺）到達長野縣扇澤站（海拔1,433公尺），兩地落差33公尺，距離6.1公里，行車時間16mins。 終於到達立山黑部阿爾卑斯山脈路線長野側入口－扇澤站。 喺扇澤站就可以搭巴士去大町市或者長野。 我哋要去大町溫泉鄉，所以係搭去JR信濃大町站嗰架巴士。 扇澤站至信濃大町站之間嘅車程大約40mins，大町溫泉鄉係中途站，大約20mins！ 終於完成整個立山黑部阿爾卑斯山脈路線行程喇！
