「法國菜?唔識叫喎......都睇唔明......」 「吓?宜家好餓喎,法國菜等得又耐又食唔飽嫁......」 嗱嗱嗱,你咁樣就太表面啦,點可以一槪而論嘅呢,人地法國菜BB會哭哭嫁嘛 ...(T口T)" 如果你想識下法式野,又想簡單啲Casual啲嘅,不彷試下呢間位於中環蘇豪嘅la vache! 係中環站或上環站行過去都係10分鐘左右,十份方便。 想同一班朋友或者屋企人去嘅話,記得Book位!如果冇訂位,好彩嘅有得坐Bar枱,唔好彩嘅就要坐大脾 (即係冇得食喇....講到咁犀利...) 犀犀牛當日(星期日18:30左右)去就好好彩咁坐到Bar枱 (我冇訂位啊 :P 但我有運啊犀利) 十分有feel!Bartenders 同 Servers都好warm好Attentive,令Me頓時變左頭髮10:0分界嘅港產ABC......Any肥,呢張就係佢地嘅Menu,冇錯就係咁簡單:得一個沙律+扒+薯條餐。xD 唔好以為你仲可以揀食同唔食,Sorry,有Minimal Charge,你只可以揀牛扒幾成熟。 多得佢地咁便利嘅設計,我光速點完餐就同朋友吹下水。因為餐廳算細,又Full House,所以都有啲嘈,不過氣氛就係咁黎,如果周圍靜英英,你仲點可以放膽講野呢。 la vache! $298 (Green Salad with Walnuts 合桃沙律) ☞ 新鮮,醬汁味道不錯,合桃又補腦,我鐘意! XD' 可能食食下已經口寡寡或者有啲飽意,但記得食多啲菜,因為食肉前食菜會容易啲消化,冇咁易滯同肥 ;) 同其他西餐一樣,叫完主食都會有麵包,麵包一般,如果你係細食嘅話大可以叫佢唔洗上麵包,為環保為地球為埃塞俄比亞兒童出一分力。為左食牛食得JeepJeep聲,我仲叫左杯紅酒,盡情享受。(House Red不過不失,多人飲嘅建議開枝其他嘅) 當犀犀牛吔完草,重點就黎啦! la vache! $298 (Trimmed Entrecôte Steak with Special House Sauce and French Fries) ☞ Entrecôte即係premium cut/sirloin cut of beef,相當Juicy!我叫左Medium Rare (3成熟),當我見到啲血水個時真係好開心咁笑左出黎!(唔好問點解犀犀牛咁好食肉) 而且佢地仲會好細心咁將牛扒放係一個有蠟燭熱住嘅碟上面,完全唔怕牛肉會變凍。神奇嘅係佢一路Heat住牛肉都唔會變熟左同硬左,好似變魔術咁將塊扒凍齡!點擊圖片放大 值得一讚嘅係佢嘅薯條好脆,仲有得無限Refill!佢會拎一個鑊出黎夾啲薯條比你,好QQ嫁。但如果你係鐘意食有外脆內軟嘅粗身薯條,咁你今餐就可以減下肥食少啲啦。 為左第二個胃着想,我地之後就叫甜品食 <3 但枱上面個張唯一嘅墊枱紙+Menu冇寫甜品喎......係啊,冇寫啊,所以咪直接拎哂比你睇囉!佢地會有一個人咁高嘅櫃碌黎碌去,每一層都放哂唔同嘅甜品比你揀。有Pudding, Apple Crumble, Tiramisu, Napoleon Cake等等等等。Server會同你講每一款嘅Sauce同特別之處,揀完我以為佢會就咁係個櫃度拎比我,但原來唔係,佢都係要落order再整比我。咁都啱嘅......有啲甜品要Serve it Hot, 而且甜品係個鞋架咁嘅櫃上面周圍碌都唔衛生嘅。 Apple Crumble唔記得影相,但係堅好食 !下次同其他朋友去可以試埋其他嚕 ^^ 味道:★★★★★(※爆※) ☞ 看似簡單,但係味道真係一流! 外表:★★★★✰(4/5) ☞ 佢嘅Setting幾趣緻 ^^ 環境:★★★★✰(4/5) ☞ 一班朋友黎係幾有氣氛,但想好浪漫嘅話就有啲嘈 價錢:★★★★✰(4/5) ☞ +飲品, 10%, dessert, Tips都要最少$380/head,但值! 服務:★★★★★(5/5) ☞ 滿分啦! 外國style講求nice & warm 廁所:★★★★✰(4/5) ☞ 乾淨,但女仔廁所得一格,又多人,等太耐囉 總分:★★★★✮(4.5/5) ☞ 朋友gathering輕鬆約會嘅食好西好地方! la vache! 地址:中環蘇豪卑利街48號地下 電話:2880 0248 營業時間:星期一至四(12:00-14:30 18:00-23:00) 星期五至六(12:00-14:30 18:00-00:00) 星期日 (18:00-23:00) 付款方式:Visa, Master, UnionPay, AE, 現金 網址:http://lavache.com.hk/ 午餐可以online booking, 但晚餐就要email或者打電話啦。 Bon Appétit! 其他正正西餐 ☞ ☞ Trafalgar ☞ 英國酒吧餐廳嘆自家釀啤酒^^HH睇足球好去處 https://blog.ulifestyle.com.hk/blogger/journey2west/2017/07/trafalgar-wanchai/ Facebook: @EatingJournet2West 雜食犀牛記 https://www.facebook.com/EatingJourney2West/