「好熱啊......搵個地方歇下啤啤佢啦!」 香港夏天認真無得輸,又濕又焗,熱上黎真係跳樓都唔掂,為免中暑,我同朋友去搵靚靚啤酒食下野。 Trafalgar係一間酒吧餐廳,見到佢地Menu隻Bulldog就頓然覺得特別英式。看封面已經知道啤酒同牛係他們招牌喇,牛扒一個order竟然係4-5人份量!下次晚餐黎再同大家分享。 對於Trafalgar,Manchester City嘅Fans一定唔陌生啦,雖然我並不是足球狂迷,但一諗到一班朋友黎睇波飲啤酒都咪話唔嘆。 吧枱放着各式各樣嘅酒,連Draft beer都有十款以上嘅選擇,其他crafted beer, boring beer甚至連外國嘅local beer都有!當然唔少得佢地自己釀嘅啤酒啦,即刻黎一杯丫唔該! 雖然係花多眼亂,但係有得揀先係老闆嘛 xD 我啲啤酒朋友不知幾享受。 English Pub當然有Fish & Chips 以及All Day Breakfast啦,不過我今日超級餓,要食多啲野!除左係佢以下呢個Brunch Menu揀左個Chicken & Bacon Burger之外,仲叫左個 a la carte 嘅Angel Hair Ioli。 Holiday Brunch Menu係包湯或沙律、咖啡或茶,以及甜品。湯好快就到左,今日嘅house soup係Carrot Cream Soup ☞ 一入口可能會覺得好淡,但其實係佢嘅甘荀味,一啲都唔人工,不過作為忌廉湯就比較稀薄,好似X林角嘅白湯咁(T▽T;),我都係鐘意濃稠啲嘅Cream Soup <3 早知堅持食我嘅Smoked Salmon Caesar Salad啦 T0T Angel Hair Ioli白酒香蒜牛油天使麵 $105 ☞ 一向都係我最嘅Pasta之一,但係要整得好食唔易,因為要有蒜香得黎唔會食到口臭,油濃得黎唔會肥冧冧,最重要就梗係有味啦,有啲餐廳就咁落蒜油就算,搞到淡茂茂。佢地係蒜同油方面都控制得好好,我略嫌唔夠味,自己加多少少鹽就perfect啦。 Chicken and Bacon Burger烤雞肉配煙肉漢堡 $138 ☞ 總括來說不錯,蕃茄生菜新鮮,如果芝士同醬汁多啲就更好啦!唯一不滿嘅係烤雞有一股「籮」味。我估係佢地個烤箱冇好好咁清潔......有啲烤燶左野嘅焦仲係度,就會有一股苦苦澀澀嘅味。要加分嘅係右邊細細嘅沙律醬菜,好開胃,點薯條食一流。英式炒粗薯條外脆內軟,我未食完個包已經可以食完啲薯條啦! 我地食完main course坐左一陣就叫埋單,再坐多一陣就走左......多好的一天!直至現在......Brunch Set 有甜品嫁!!!我。個。甜。品。啊!!個Server應該提一提我或者問我仲要唔要個甜品囉 (T.T) 犀犀牛真係好揼心....... 味道:★★★✰✰(3/5) ☞ 食物味道尚可,下次黎會happy hour飲啤酒食snack! 外表:★★★✰✰(3/5) ☞ 望落都可口嘅,正常西式擺法 環境:★★★★★(5/5) ☞ 好有氣氛,一定要同朋友黎閒聊 價錢:★★★✰✰(3/5) ☞ 價錢合理,$100+一個course 服務:★★✰✰✰(2/5) ☞ 因為我個甜品,我要比低分啲>< 總分:★★★✮✰(3.5/5) ☞ 比犀犀牛定格為食宵夜/Happy Hour/睇波好去處 Trafalgar 地址:灣仔駱克道54-62 號博匯大廈5樓 電話:2110 1535 營業時間:星期一至日 11:00 - 03:30 付款方式:Visa, Master, UnionPay, AE, 現金 Facebook: @EatingJournet2West 雜食犀牛記 https://www.facebook.com/EatingJourney2West/