香港係一個美食之都真係冇講錯 而且我哋對食嘅要求亦都非常高~ 雖然今次唔係我第一次食放題 但極尚大喜屋日本料理令我留下非常深刻嘅印象! 有別於一般放題, 極尚大喜屋日本料理係分時段嘅, 所以我去之前就已經訂定位, 我亦提早咗少少去排隊, 因為要先係樓下排隊, 到你預約嘅時段先可以進場 我只可以講場面好墟冚 我雖然早咗到等已經排滿晒人 而且無得walk-in! 所以記住要訂定位呀~ 一坐低當然係要睇下有咩食啦 點擊圖片放大 +2 我鍾意食嘅壽司同刺身非常多選擇! 三文魚超級肥美! 其他刺身都好新鮮 尤其係火炙系列~ 有我最愛嘅鰻魚! 除此之外 當然唔少得仲有磯燒海產~ 份量令人有驚喜! 而且有鮑魚,蟹,帶子~ 另外仲有我未見過放題會有嘅片皮鴨! 現場燒好立刻片比您食! 除咗片皮鴨, 仲有其他燒味-燒雞同燒豬! 同樣美味~ 燒豬個皮係脆架! 叫得極尚當然唔知有片皮鴨喇~ 仲有鮑魚花膠燉湯 非常豪華 燉湯熱辣辣 味道濃郁非常滋潤~ 除咗點菜紙嘅食物 仲有各樣嘅沙律冷盤 仲有特式飲品! 無論顏色同味道都好特別~ 而且唔會過甜! 呢款牛柳粒一定要試! 有油香味而且口感軟熟 燒物同樣吸引 個人會推薦牛脷同雞翼同燒羊架 牛脷唔會切到好薄 所以食落有口感 味道好香口 雞翼燒到恰到好處 唔會太乾身 但亦不失香脆口感 羊架一定要試! 我朋友食咗成3,4件! 個味道調得好好味 唔會過咸之餘亦好juicy~ 而且充滿肉汁! 肥瘦適中~ 天婦羅蝦又係唔可以唔食 隻蝦非常爽口彈牙 外脆內彈! 炸粉嘅份量又剛好! 估唔到佢有炸榴槤球 超香~ 呢款炸蝦我嘅朋友亦讚不絕口 脆到連個殼都識得! 啲蝦亦夠彈口 飲品選擇極多~ 最後當然唔可以唔食甜品啦! 係Movenpick雪糕呀! 仲要有好多口味選擇~ 首推士多啤梨同雲尼拿! 嫌淨食雪糕太單調~ 有多種配料俾你配搭! 呢餐晚飯太豐富同好味 滿足到我所有願望! 有新鮮刺身到燒物磯燒海產 到燒物甚至片皮鴨~ 如果你追求款式多 同時又好味同高質 位置方便 呢間絕對值得一試!