最近常常落雨 天氣差而且充滿濕氣 令到個人都好攰冇精神 係呢個時候的而且確係蒸身排濕氣嘅好時候! 坊間有好多唔同嘅薰蒸館 但係我覺得一定要搵間信譽同口碑都要好嘅 特別係要乾淨衛生 有私人空間的~ 我今日就去咗位於荃灣嘅美人蒸-古法薰蒸養生館, 位置都幾容易搵到 入到去簡潔嘅家庭式設計~ 感覺好舒服好似屋企咁 而白藍色為主 如果有小朋友一樣可以享受屬於自己嘅美好時光 因為呢度有托兒服務! 有獨立房間children's room 入面有電視同玩具~ 仲有專人幫你睇住小朋友 如果入到房都唔使驚! 因為會俾個ipad你直播番小朋友係children's room嘅情況! 非常貼心! 然後就可以入更衣室更衣 每個人都會有個獨立嘅更衣室 寬倘舒服 仲有化妝檯添! 上面全部都係知名嘅護膚品 適合各種皮膚使用 連Jo Malone香水都有~ 當然基本嘅潤膚霜同風筒呢到都有啦! 首次做療程前就要填一填個人資料 可以更加了解你嘅體質同需要^^ 另外 係蒸身前要注意事項都會清晰地列明 例如蒸之前要食少少野 唔好太飽或者太餓~ 另外以下任何一項人士,都不適宜進行薰蒸: - 患有任何皮膚病、濕疹、傷口、或對中藥敏感嘅人士 - 患有糖尿病、高血壓、心臟病、心血管阻塞人士 - 正患病期間,需服用西藥嘅人士 - 懷孕期間、哺乳期間、女性生理週期期間 - 進行手術前後或接受藥物治療期間 (保障客人健康) - 如BMI 指數超過 30 或者體重超過180磅 蒸身後亦都有注意事項 只係最好1-2小時後先好沖涼 因為蒸完啲毛孔會擴張 即刻沖涼會對身體唔好會容易病唷~ 仲有溫馨提示: 蒸身前可以揀唔同功效嘅古法薰蒸藥包: 有消脂瘦身,排毒美顏,驅寒祛濕, 女性修復同養心安神! 我就選擇咗排毒美顏, 因為有去水腫嘅功效! 提升身體免疫力~ 不過要留意 有服用西藥要先通知職員 因為藥包含藥性~ 衛生間亦非常乾淨 如果來到電話無電點算 呢度亦好貼心提供外置電池 可以一路充電一路蒸身! 最得意係 呢度有得同閨蜜一齊蒸身! 一齊蒸一齊密密傾 的確時間會過得快啲 蒸之前亦會進行消毒清潔 保證乾淨衛生 有iphone夾提供 咁就唔會悶啦 仲可以邊蒸邊睇劇! 輕鬆蒸住瘦~ 過程職員會定期入嚟報時 同埋跟進溫度是否適合等等 如有需要 亦會有按鈕比你按鐘通知職員 其實我真係好鍾意呢個發明 因為我平時焗唔到桑拿 因為焗到我塊面好唔舒服 透唔到氣 但如果用呢個蒸就可以完全解決我哩個問題 輕輕鬆鬆出身汗! 我蒸頭15分鐘已經爆汗 係由頭到腳趾尾都感覺到汗水的 好爽! 蒸嘅時候亦要多飲水以免令身體脫水 美人蒸-古法薰蒸養生館會為您提供樽裝水方便飲用~ (剛剛蒸完面紅紅,連塊面都係汗!) 做完之後皮膚超柔軟 而且唔會好似跑完步咁成身汗味 覺得成個人輕盈咗 同埋少少眼瞓 :b 我亦帶咗盒番屋企慢慢飲 美人蒸嘅手工水果養生花茶 特別適合少飲水嘅人士 配合不同水果及食用乾花 係具有多種功效嘅健康飲品~ 分別有排毒瘦身煥膚美顏及補充營養功效 一盒有14包 滿足不同需要 而且一盒連包裝袋,飲管, 本地蜂場下花蜜社蜂蜜一瓶和小木羹~ 包裝內嘅水果係由新鮮生果烘乾而成 無防腐劑架! 容易保存亦方便飲用~ 點擊圖片放大 只需倒入熱水(60-80度) 等5-10分鐘 按口味加入蜜糖 就可以插入飲管飲用! 今日既體驗太美妙~ 絕對係同閨蜜一齊享受嘅好去處! ×××××××××× 大家如果都有興趣體驗下可以參加joicy giveaway: https://www.facebook.com/joicybaby/posts/1502450379811999:0 美人蒸-古法薰蒸養生館地址: 荃灣大河道99號99廣場15樓04-05室荃新天地對面 燉奶佬樓上 荃灣地鐵站A出口只需步行5-8分鐘 查詢電話: 2771 2148 美人蒸-古法薰蒸養生館Official Facebook: https://www.facebook.com/SteamBeauty/ ********************* xxx joicy IG :https://www.instagram.com/joicybaby/ ********* 產品及有關資料由該品牌提供,以上全屬個人意見, 使用效果因人而異,如需協助或獲取更多產品資訊,可聯絡品牌查詢或尋求相關專業意見。 ********* Contact: joyceyau@hotmail.com.hk ********* BeautyExchange http://www.beautyexchange.com.hk/blog/joicyCosmopolitan http://talk.cosmopolitan.com.hk/joicy Qooza http://blog.qooza.hk/joicy Elle http://blogs.elle.com.hk/joicybaby Theztyle http://joicy.theztyle.com UBLOG: https://blog.ulifestyle.com.hk/blogger/joicy/ She.com http://blog.she.com/joicy/