今日同朋友黎到位於銅鑼灣既La Postre,係食西班牙菜既。 店內唔算好大,每張枱隔離都會有少許飾物裝飾,裝修亦花了不少心思。 較特別嘅係碟子,有好多不同圖案,紙巾又做到好似一張歐羅咁。 黎之前都有d擔心西班牙菜好大碟,兩個人食唔到啲乜,不過望下Menu又幾多選擇啵。 牛肉墨西哥玉米片 $108 平時都幾鐘意食nachos,所以都食過好多唔同餐廳既nacho,而呢間係重蕃茄芝士味,拎起玉米片大量芝士輕易見到拉絲效果,而且食落好juicy,脆卜卜。 西班牙牛仔蠔肉燉飯 $288 四邊有蠔殼做裝飾,燉飯似珍珠米,細細粒,軟硬度適中,口感唔錯。見到四個蠔殼都會一廂情願諗飯得四隻蠔,事實係有大概八隻,而且都幾大隻多肉,又唔會因爲烹煮過程令到蠔變到乾晒冇水份,飯份量亦都好多。 抹茶麻糬窩夫 $108 窩夫好大件,而且切開仲好脆,上面的綠茶味道唔會搶晒窩夫的味度,綠茶雪糕同窩夫就係似冰火一樣,冷熱交融。旁邊仲有粒粒紅豆襯托,味道突出又有咬口。 Hazel Coffee $38 咖啡味同甜度適中,入口無苦澀既感覺,加上簡單既拉花,已經好唔錯。 Green Tea Latte $49 略帶少甜既綠茶咖啡,味道略為淡,但整左個好得意既拉花,望住佢覺得好治癒,唔捨得飲。 西班牙菜原來都好啱香港人口味。 La Postre 銅鑼灣銅鑼灣耀華街3-9號百樂中心19樓 Contact Me: Email: joeylo0914@yahoo.com.hk FB: https://www.facebook.com/joeylofoodie/ IG: https://www.instagram.com/joeylofoodie/ Blogspot: http://joeylofoodie.blogspot.hk/ Ublog: https://blog.ulifestyle.com.hk/blogger/joey0914/ BE: http://www.beautyexchange.com.hk/blog/joey0914 Qooza: http://beauty.qooza.hk/u/joey0914 She: http://blog.she.com/joey0914/ Ztyle: http://www.theztyle.com/?81190 Itrial: http://itrial.hk/user/joey0914 ELLE: http://blogs.elle.com.hk/joey0914