小資女一家商務遊之香港-上海飛行報告篇 話說小資女同屋企人係黃金週檔期去左上海3日2夜∼ 先睇睇香港去上海嘅飛行報告喇∼ 出發當日小資女同屋企人急不及待去CHECK IN~ 四個人~一齊坐商務艙~~開心^^ 我地選擇左早去晚返嘅飛機,而最早嘅航班去上海係國泰港龍KA802 08:00,機型係A330,商務客位係Regional J (俗稱假J) 假J 最大分別就係座位唔可以180度平躺…唉∼ 不過唔緊要喇,去上海都係飛2.5小時啫∼ 返工都無咁早嘅時候已經到達香港機場! 有四張貴賓室邀請卡~等小資女帶媽媽同小資姐參觀下先~ 小資一家就去左最近出境區域嘅The Wing 商務貴賓室食早餐喇∼ 準備入去喇~ 好多生果~ 早餐選擇就無其他時間咁豐富,一般嘅西式早餐選擇有炒蛋,薯餅,香腸,麵包都有∼ 食物不過不失~~ 小資女等Latte中~ D麵包都幾精緻~ 細細個~岩哂小資女~唔使食咁飽~~哈哈~ 小資女西式早餐加CATHAY DELIGHT~~ 媽媽同小資姐就去左NOODLE BAR入面揀中式早餐 由於太早既關係~貴賓室無咩人~~ 小資姐未食早餐關係~~所以係貴賓室不停來回遊走~~哈哈~ 中式早餐都有幾種款式架~ 粉果唔錯~三款點心~最好味~~ 干蒸牛肉~ 白滑腸粉~ 白粥自由配~~ 要留意擔擔麵,雲吞麵,餃子果D要07:00 後先有架∼ 小資姐同老公咁早都話食返杯雪糕...太瘋狂~ 小資女係搭正7:00食返碗擔擔麵先上機~~YEAH~~幾好食~味道好濃~ 食飽當然要影返張合照先~ 小資一家享用完貴賓室嘅早餐就趕快去到登機閘口喇∼ 由於係坐國泰港龍~所以要坐接駁巴士上機~~嬲 由於今次嘅旅行係全家第一次商務遊∼ 雖然係假J, 我地都覺得好開心同興奮呀∼ 媽媽同小資姐第一次坐國泰港龍既商務艙~唔知佢地滿唔滿意呢~~ 媽媽話假J座位都好闊呀!佢老人家腳仔唔洗屈住屈住∼ 小資姐話特選經濟艙真係唔可以同商務艙比呀!(話說小資姐之前去日本坐國泰有幸升級左去程到特選經濟艙∼)小資女都未試過俾人升級><~~鳴嗚~ 飲返杯歡迎飲品先~~汗~~小資女係飲水.... 機艙都幾凍∼ 老公好快已經變左隻糭~~好誇張喔~ 起飛無耐空服就派左今日嘅餐單比我地∼ 好似都係無咩款揀..... 小資女好認真咁揀緊食咩~~狗仔個樣好似有心事~可憐~ 老公好努力咁SET緊枱~~你咩事先~ 小資女先黎嘅個醒胃生果頭盤∼ 主菜就揀左點心拼盤∼ Yum! 老公就揀左芝士香葉炒蛋~~注(唔好揀米線~賣相十分差~小資女個人目測~哈哈) 我地呢班飛機雖然係遲左起飛,但準時到上海機場架!國泰港龍非常抵讚! 上海-香港回程篇∼ 轉眼就玩完三日~~又要離開了~~鳴~~ 小資一家回程返香港嘅飛機係國泰航空嘅∼ 機型B772~ 唔洗坐假J 喇,好耶! 再黎影下機票先~ 呢架飛機坐位闊好多呢∼ 國泰個商務艙~~感覺寬敞好多~比起去程坐國泰港龍~ 小資女叫左杯香檳~~最後飲左一啖~~俾哂老公飲~ 又周圍影下先~~ 座位有個小櫃入面有塊鏡~岩哂小資女~~ 個螢幕可以拉出黎~~D戲都幾新~ 放腳位都好闊~~老公個身高都唔覺得迫~ 還有其他位放雜物~ 媽媽同小資姐就坐獨立窗口位 小資女同老公就坐中間連住嘅座位∼ YEAH~ 一齊睇下晚餐有咩揀呀∼ 酒LIST~~小資女唔識酒~ 去程國泰港龍唔記得影相~失敗~ CATHAY DELIGHT~小資女好鍾意飲~ 有哈根大師~ 晚餐好似中餐最穩陣~ 又開餐了~ 小資女唔信就揀左煎三文魚,最後真係麻麻地~ 老公就揀左鮑魚菇牛肋肉,唔錯架~~肉好稔~ 見國泰機上duty free 做緊優惠同里數推廣,小資女都忍唔住手買左少少野比自己∼ 哈哈哈 買滿$2500或以上5蚊有4里~都幾好~~提提大家上機消費要帶實體會員卡先儲到里~電話APPS個會員卡係用唔到......小資女都中過招~~慘~~ 買完野無幾耐小資女覺得好眼訓~~ 哎呀~ 訓左無耐就已經返到香港喇..................嬲呀! 雖然小資女係黃金週去上海, 但來回程飛機都無延誤呀! 好LUCKY!!! 是次飛行報告完畢~ 多謝收看! 小資女Facebook: https://www.facebook.com/Camcamlife/ #不是upgrade喔 #全家總動員 #小資女靠自己 #黃金週家庭遊 #突然出遊 #一共有三集