話說小資女同老公入住左澳門喜來登酒店~ 原因係小資女部分屋企人都加入呢個澳門小渡假之旅~ 小資女初時以為新濠影匯加加床就可以解決問題,點知酒店回覆係明星客房係唔可以加床… 小資女唯有再訂過一間房喇~ 訂房果日發現新濠影匯房價貴左好多~ (要$1800 一晚!) 慳家嘅小資女就同老公入住隔離SPG集團嘅喜來登酒店喇~ 我地係出發前兩星期訂嘅房價係$1516.39 (星期五入住嘅價錢... 真係一D都唔抵......) 其實呢次係小資女第三次入住呢間酒店喇~ 酒店開業左一段時間,可能好多人都已經入住過~ 小資女今次純粹紀錄一下今次入住嘅紀錄喇~ 酒店房間都唔細架~ 房間裝修都係比較簡單~ 有一張好大嘅雙人床~ 房間就可以望到新濠影匯,都幾靚架~ 因為小資女掛住影個夜景,忘記左去影個洗手間~ 總括: 酒店普普通通~不過不失~但住客真的太多~坐的士都大排長龍(雖然澳門的士真係唔多)~以哩個價錢入住真心覺有D唔抵~平日可以住靚好多啦><(小資女又講廢話)~~呀~~~要大叫發洩! 最後評價(5星為滿分) 酒店設施 *** 酒店服務 *** 推薦度 ** 小資女Facebook: https://www.facebook.com/Camcamlife/