Kouros Hotel and Suites, Mykonos 希臘之行主要係要去小資女最想去既Santorini 之外,其實我地仲要坐內陸飛機去左Mykonos先 小資女諗住留Mykonos兩晚遊探索下哩個小島~ 好開心~~準備向小島出發~~ 今次小資女就揀左中價嘅酒店~ 因為我想房間係可以望到海景, 我入住左Kouros Hotel and Suites, Mykonos 2晚,價錢大價係HKD$1800 一晚連早餐~ 官網--> http://www.kouroshotelmykonos.gr/ 全島都係白色小屋~~心心眼~ 酒店有自己停車場方便泊車~~不用收費~ 由酒店望出去既景色~ 見到大型遊輪停泊位置就是碼頭~~之後小資女去Santorini都係在這裡上船~~ 由於早左到酒店~所以同老公周圍影下~~ 酒店大堂~~以紅白為主~~ 酒店比想像中大~~仲有幾隻貓仔駐埸~~見到我小狗係到~當然走哂啦~ 小狗努力守候中~~ 小資女好百厭~周圍摸酒店D裝飾~~ 差唔多夠鐘就上返去大堂check in~ 行緊去房間~~唔知係點既呢~~期待中~ 房間厠所~~乾淨企理~~ 係用返希臘品牌KORRES~~都幾好用~~小資女都想買D返香港用~~(老公話哩個要深究)~~哼~~ 房間面積尚算OK~~要一齊開兩三個行李箱都可以~ 房屋裝修感覺舊舊的~~電視也太細了吧(老公講的)~~ 房間有兩支水外~~仲有兩塊餅(入面有粒果仁)~~ 有個露台仔~YEAH~小資女就係為左一起身可以行出露台望住海景歎咖啡先揀哩間酒店~~ 由老公示範一下~~哈哈~喂~~再嚟一次~你杯咖啡呢?? 露台仔有兩張櫈同一個枱仔~小資女諗酒店位置再高少少就更加好~ 有好大型遊輪停泊準備上岸觀光~ 酒店仲送仲支酒俾小資女~~開心~~ 泳池唔算大 雖然你見小資女著短裙~但係其實唔係好熱~泳池水仲好凍~所以無咩人游水~~ 泳池隔離係酒吧同餐廳~~早餐大家可以選擇係室外食~~其實仲可以選擇係自己房個小露台食都得~~ 曬下太陽~暖暖地幾舒服~~ 眼見大數人都係曬太陽~~都無勇者落水~ 第二日嚟到早餐時間~~雖然係細細地既餐廳~~但係都好多選擇~~小狗探索中~ 老公仲掛住影相~~我食曬先影...嬲~~ 總括:酒店位置離市中心~大約15分鐘既路程~~好像很遠~但係小資女幾次出入都係行路~ 因為沿路行都有不同既影色~~一路行一路影好快就到市中心~~如果大家同老人家去~ 可考慮租車~~係酒店大堂問職員~佢就會俾車型同價錢你揀~租車公司會直接將車送去酒店~ 還車既時侯把車停係酒店停車場再把鎖匙交俾酒店大堂接待處職員就可以~~非常方便~~ 而酒店職員服務都好好~~好熱情~~ 酒店既GM仲會係早餐時候係餐廳問下客人既意見(想投訴都係哩個時候啦~哈哈)~ 今次既住宿都唔錯~~唔錯~~ 最後評價(5星為滿分) 酒店設施 *** 酒店服務 **** 推薦度 *** 小資女Facebook: https://www.facebook.com/Camcamlife/