2014年5月,第一次接觸馬爾代夫係因為去渡蜜月~ 馬爾代夫其實有好多好多嘅酒店,我地就揀左Jumeriah Dehvanafushi. 原因好簡單,因為係Jumeirah 集團係馬爾代夫有兩間酒店,JD係其中一間酒店。雖然我之前無住過Jumeriah 集團嘅酒店,但我知道佢就係經營帆船酒店嘅集團,所以佢一定唔會差!此外,亦因為佢地理位置較遠,水質比較好,而且島上嘅房間數量唔多,遊客都唔會好多呀,所以我都好快就揀左呢間酒店! https://www.jumeirah.com/en/hotels-resorts/maldives/jumeirah-dhevanafushi/ 講解一下點去馬爾代夫先!從香港出發,可選擇國泰航空直飛馬爾代夫首都馬累,又或者選擇新加坡航空先飛到新加坡再轉機去馬累。我地選擇左後者,因為旅遊Agent 話我地去到馬累其實係夜晚,要係市內酒店住一晚,但市內酒店又唔係幾靚價錢又唔平,建議我地停留新加坡再去馬累。咁我地覺得玩埋新加坡都唔錯,所以揀新航~新加坡旅程唔係我呢篇blog 嘅重點,所以唔寫喇~ 我地到左馬累後酒店職員會係機場接我地,然後再去內陸機場搭飛機一小時,再搭快艇50分鐘⋯⋯ 個島真係遠到呢~~ 到左馬里又要坐內陸機 第一次坐螺旋槳飛機~~要瘋狂影相!! 要坐飛機先睇到馬爾代夫嘅島仔 呢個島好大呀 好似係馬里市 到左內陸機場後, 有高爾夫球車接送~唔使點行~ 原來係送我地黎坐快艇! 酒店既快艇都十分豪華~~船程大約25分鐘 終於去到酒店喇!佢地比左welcome drink 同唱左歡迎歌~ 每日有新入住既客人,佢地都會列陣歡迎 叫職員即刻幫我同老公影張相先~~ 仲有手織小禮物 水果串~~好好味!!! 主島, 餐廳, beach villa 酒店安排左個管家比我地,然後帶我地去房間~ 因為我地住water villa 關係,我地又再次上船向海中心出發~ 等接駁船中 由酒店主島去另一水上屋既島,大約5分鐘船程,不用預時間等船,只要你去到碼頭,就有職員幫你叫船來接送~ 往OCEAN PEARL中 酒店另一個島,全部建築都係起在水上~白色頂是餐廳, 其他是water villa 5分鐘左右我地就去到water villa! 管家叫呢到做ocean pearl, 呢邊有一間餐廳,主島beach villa 果到又有一間餐廳,我地可以去果度食飯,主島果邊仲有酒吧,泳池同一間燒烤餐廳,但燒烤餐廳唔係日日都開架~ 官網資料 管家又同我地講我地被upgrade到最高級嘅water sunrise sanctuary! 因為知道我地係honeymoon 同慶祝我老公生日,所以就upgrade 左我地!有一間主人房, 一間客房, 房間入面有個私人泳池添架!Lucky! 馬爾代夫的海水非常清澈,酒店附近佈滿珊瑚~ 酒店房間不多,所以唔會覺得擠迫, 客人主要係外國人, 我地係島只係遇過一對香港人,就係前面兩位,最後走個時仲交換左FB添~~ 唔知邊間係我地嘅呢 我地入住嘅房間~~好期待!! 島上全景~ 官網圖片 房內有一個泳池~我地房間係日出景~ 房內客廳.....非常大的空間, 最後係官網找到資料,原來房間總面積有3千4百尺....CRAZY 酒店亦送左香檳酒俾我地 HONEYMOON PACKAGE 先有喔 仲有膠囊咖啡免費提供~!張相邊個影~咁濛既~嬲~~ 一望無際既景觀~ 今晚可以係呢度睇星星~ 小資女好忙咁影呀影~ 主人房可以直接望到日出 真係唔知邊個要坐梳化... 房內有樓梯可以直接落海浮潛~ 小資女老公話聽日要試下望住個海浸浴.... 洗手間空間好大 望住大海沖涼~~好爽喔! 雙洗手盆設計~ 齊全的浴室用品 嘩~~酒店係用HERMES沐浴用品~~ 又一個梳化位…. 寫子檯位~ 小資女係哩到做check in 手續架! 原來我地間房係2 bedrooms架!!! 一入門口右手面仲有一個bedroom! 可以一家4口黎住呀! 客房係兩張單人床~ wow~ 同主卧室一樣有個大廁所! 有埋洗PATPAT位~~ 哩到一樣有浴缸, 正呀! 補上房間短片!--->https://www.facebook.com/Camcamlife/videos/255983648217610/ 因為老公生日關係, 酒店趁我地去食飯果時靚雞雞送左個蛋糕比佢呀! 去到卧室又突然有花床佈置! 睇下老公幾開心!~開心到要帶太陽眼鏡~ 小資女第二日一早又出動喇 每間房都好大咁 天氣好好呀 老公係度餵魚~~大家唔好學~因為有D酒店係唔俾餵魚的~~我地當然問過職員先做啦~ 後面係酒店主島 係度可以飲返杯野架~ 兩個島各自都有泳池, 哩到係ocean pearl 泳池~ 係餐廳隔離! 好寫意呀~ 哩到係主島泳池~ 泳池比較大! 老公鍾意呢個泳池多d! 因為又大又無人玩~~老虎都會游水~驚呀!!! 我地每日都影下相都幾好玩架~ 馬爾代夫影相真係好靚~ 黎馬爾代夫記得做好防晒呀! 哩度真係好鬼晒架! 今晚打算係主島食飯~ 早D過黎影下日落先~ 沙灘D沙都好幼細~唔吉腳~ 介紹完酒店環境同房間,咁我都分享少少酒店嘅美食喇~ 咁小資女個package 就包左4日嘅早晚餐(HALF BOARD)嘅~ 都分別試左酒店主島餐廳同Ocean Pearl 嘅餐廳~ 第一日到埗因爲我地係Ocean Pearl 果邊,我地就決定係到食晚飯~ 早上餐廳嘅外觀 我地PACKAGE包左3道菜嘅晚餐~ 有D特別款式要另外加錢, 會寫明係餐牌上嘅~ 小資女好肚餓呀 先黎一個凍忌廉湯~ 主食我揀左食壽司,我覺得係馬爾代夫有壽司食實在太新奇! 都幾多種類 老公就揀左食燒魚配白飯同麵~ 條魚好大條呀!不過味道就....... 最後仲有埋甜品~ 呢個好似芒果冰咁架!好好味~ 另一個好似係Creme Brûlée 咁,都唔錯! 第二晚因爲落雨關係,我地又去返琴晚嘅餐廳食飯~ 一黎有個amuse bouche, 炸波波! 幾精緻~ 今次食左春卷 沙律 我揀左食三文魚排 老公揀左牛扒 第三晚同第四晚就去左主島餐廳食晚餐~ 因為我地坐海邊,無咩燈光,D相有D 模糊同暗… 又係炸波波~ 軟殻蟹沙律 龍蝦湯~ 好好味嘅牛扒 最後一晚嘅晚餐了~ 意大利飯 豬扒, PORK BELLY 超級好味! 泰式咖哩豬肉飯 吞拿魚牛肉他他 咁早餐方面,Ocean Pearl 係a la carte 形式上嘅~ 早餐三層架~ 可以係餐牌上任叫egg benedict, omelette, pancakes, waffles 果d, 只要你食得晒~ 老公嘅選擇 我就揀左egg benedict 食完早餐可以即刻晒太陽~ 因為係正餐廳隔離 我地都試左主島早餐~ 要搭船去食早餐 佢地就生果,麵包,麥片同乳酪果D係自助形式~ 蛋同waffles 果D都係同職員order~ 咁感覺上主島嘅早餐開心d ! 另外, 我同老公係酒店做左SPA~ 我地做SPA 果時係睇唔到個海景囉.... 其實酒店仲有好多其他活動比住客玩! https://www.jumeirah.com/en/hotels-resorts/maldives/jumeirah-dhevanafushi/activities/ 我地就參加左一個出海睇海豚~ (真係有好多海豚架~ 但浪太大影唔到相) 所以去馬爾代夫其實一D都唔悶架! 如果預算足夠的話~可以選擇Jumeriah Dehvanafushi~酒店唔多人,私隱度夠,服務都好好,今次旅程我都好滿意!我由此愛上Jumeriah既酒店集團,大家有機會要試試喔~ 最後評價(5星為滿分) 酒店設施 **** 酒店服務 ***** 推薦度 **** 小資女之後亦入住過Jumeriah 集團其他酒店, 有興趣可以去睇睇呀~ 杜拜帆船酒店 Burj Al Arab http://camcamlife.blogspot.hk/2017/02/burj-al-arab.html 阿布扎比 Jumeirah at Etihad Towers http://