入住完兩晚Fullerton hotel, 小資女就同老公入聖淘沙玩喇~ 我地就揀左Sofitel Singapore Sentosa Resort & Spa 喵~終於到了~~第一次住聖淘沙入面既酒店~ 今次住宿亦都係用Wing on travel 預訂,入住兩晚基本房價錢$3160~ 竟然比Fullerton hotel貴(汗~) 酒店入口位置~酒店每半個鐘都有自己專車出入Vivo City 同去聖淘沙賭場同環球影城~~如果想係酒店坐聖淘沙內既環島線~就要坐3號線,但班次比較疏~同埋都係在酒店門口上落客~(以上兩種車都係免費~拍手~小資女傻左....) Sofitel shuttle bus 資料--> http://www.sofitel-singapore-sentosa.com/location/ 等待CHECK IN中~期待中~~ 酒店有三間餐廳同一間酒吧~ 哩到係其中一間 酒店之前翻新過,所以酒店室內設計唔老土~ 酒吧區~無冷氣~~中午黎食下午荼比較熱~~ 但酒店係以渡假感覺為主,酒店有好多地方都無較冷氣嘅~(請放心,房間係有冷氣嘅~) 酒店都幾大架~ 出面好曬同好熱~~小資女想立即跳落水~~ 我地要行一段路至去到我地嘅房間~ 終於到喇~ 歡迎參觀我地房間~ 門中門喔! 房間感覺好新淨架~ 我都幾鍾意呢個格調~ 呢個櫃好得意呀~ 原來係放咖啡機,熱水壺同小雪櫃架~ 去洗手間望望先~ 廁所唔算大,但裝修都幾靚~ 有企缸~而地面由磚仔砌成~都幾有心思~~可惜有時會甩出嚟~大家小心~ 也有浴缸~~ 用Lanvin 嘅沐沐套裝~ 好香架~ 嘩!酒店又有送蛋糕比我地喇~ 真係細心呢~ 老公好開心呢,原來個蛋糕好好食wo~ 到夜晚酒店仲送左macaroons ! 小資女要介紹一下酒店有個幾特別嘅玩意, 就係FISH SPA~ 我都係第一次試呢個玩意咋~ FISH SPA 係唔需要收費嘅~你鍾意幾時玩都得~ 好緊張呀! 老公話感覺好奇怪呀~感覺就好似有幾支電動牙刷~一齊擦你隻腳~~ 適應左一陣之後就覺得幾好玩~~呀~~小資女無魚既~~老公快縮腳~~ 泳池好大呀~~最深地方有兩米半~~帶住小朋友既家長要留意~ 小資女都有游下水架! 游完水後居然見到孔雀呢~ 哩度又有另一隻~ 第三隻孔雀呀, 哩隻最靚!酒店俾佢地周圍走架~~但係住客記住唔好餵野食俾孔雀~酒店係禁止的~ SOFITEL 酒店另外仲有做SPA 同FITNESS, 詳情去官網睇睇喇~ http://www.sofitel-singapore-sentosa.com/spa-fitness/so-spa/ 小資女今次揀左係SOFITEL酒店餐廳食飯, 同老公慶祝生日呀! 小資女就揀左食意大利餐~ 小資女攝影技術真係有待改善... 睇下主餐牌先~~ 都有SET 揀~因為唔肚餓既關係~小資女決定散叫~~ 餐廳有室內同室外嘅座位~ 小資女怕熱就揀左坐室內(有冷氣架!)~ 雖然SET DINNER 都唔錯, 但我地無揀到呀, 因為有5道菜咁多, 小資女食唔晒, 所以我地叫A LA CARTE~ 首先黎個Pan Roasted Foie Gras with Raspberries and Duck Jus~鴨肝熟度恰到好處~配上Raspberry既汁~酸酸甜甜~非常開胃好食指數有****(五星係最高) 我唔客氣喇!~做咩張相....曝曬光.... Wagyu Beef Cheek Tortelli with Parmigiano Cream and Red Wine Jus一向對意大利雲吞感覺麻麻~但今次有驚喜~好食指數有***(五星係最高) Black Cod with Caramelized Celeriac and Lemon Capers~~銀鱈魚魚肉都好鮮嫩~唔錯唔錯~好食指數有***(五星係最高) Kurobuta Pork Neck with Marsala and Spinach~~黑豬肉煮得好稔配埋個醬汁~非常好食~好食指數有****(五星係最高) Tiramisu~~好食指數有**(五星係最高)反而甜品麻麻~ 酒店職員又知道老公生日呀~ 送左蛋糕比老公!!!YEAH~ 係咪好開心呢~ 呢餐埋單 SGD$205.9~~都成1千1百幾港元~唔算平~~(小資女銀包淌血...) 總括~如果大家想玩聖淘沙島上既活動都可以選擇哩間酒店~島上既活動夠你玩一至兩日~但希望係市中心觀光的話~市中心有大把選擇~酒店交通不太方便亦都係一個重要因素~其實酒店服務唔錯~想好似小資女去旅行咁食下HEA下~~就可以考慮下哩間酒店(一句講哂...小資女係懶..) 最後評價(5星為滿分) 酒店設施 *** 酒店服務 **** 推薦度 *** 小資女Facebook: https://www.facebook.com/Camcamlife/