5月尾同老公去左旅行慶祝生日,我地就揀左去新加坡玩5日~ 我地今次住過兩間酒店,首先分享一下The Fullerton Hotel~ 小資女透過Wing On Travel 預訂呢間酒店呢~ 價錢係$2849 兩晚連兩日雙人早餐~好抵呀~心心眼~~ 酒店附近環境不錯~~行五分鐘已經有地鐵站~ 酒店外觀加上晚上既燈光~~好靚~~好多遊客經過都會影下相~~ The Fullerton Hotel 係Raffles Place MRT 附近嘅~ 酒店前身係一間郵政總局黎架! 小資女都覺得晚上的外觀比較靚~ 酒店嘅外表係英式建築物風格,好多遊客都黎酒店門口影返張相架~ 酒店大堂~ 有好多房都係望返酒店內景~(小資女今次都係)失望~~ 酒店知道老公過兩日生日,特別為我地準備左汽球同蛋糕! 有汽球!! 老公話要影一張~再踩爆佢~(想嚇小資女...無咁易~哼) 好野~~宵夜有蛋糕食~~肥....死.....啦..... 酒店仲送左兩張卡俾老公~一個係大家見到哩張~~ 一張係GM既卡片.....汗.... 嘩~~老公係哩個姿勢........又打機!!!!怒~ 小資女唯有獨力完成影相既工作~好命苦喔~~ 酒店廁所都好大,有企缸亦有浴缸~ 酒店廁所都好大,有企缸亦有浴缸~ 浴缸都算大~~比平時既酒店大~ ACCA KAPPA 沐浴套裝 估唔到咁有歷史嘅酒店都有智能手機比住客使用~ 可以了解下新加坡有咩玩,有咩食等等~仲可以攞出街用~打本地電話不用錢~~ 房內既裝修比較舊~~ 另外寫字枱上有個tablet ,提供酒店嘅資訊,代替左以往酒店一本本嘅書仔~ 房間床頭櫃果度仲擺放左毛公仔比住客購買~都唔平~~ 仲有青蘋果比我地食~ 另外小資女發現左酒店有幾個好窩心嘅服務,就係佢有拖板比住客用喇! 好少酒店會提供呢樣野比客人使用~ 小資女住咁多次酒店都係第一次見~~(可能係小資女自己見識少.....哭...) 另外有個擦鞋專用位比住客放對鞋入去,打電話去服務台就會有人收走對鞋去擦(收唔收費就唔清楚喇,因為小資女無用呢個服務呀…)因為酒店位處於商業區,對黎到新加坡公幹開會嘅人,呢個服務都可能幾重要架~ 打開個櫃就見到有個小洞連接門外~ 有對門仔方便職員係外面收鞋~~ 小資女睇到酒店放左咁大隻公仔當然要立即影張相啦~~ 早餐方面,有好多唔同款式架!有中式,西式,印度式,馬來式同新加坡本土美食~ 真係花多眼亂,唔知食邊樣好呀~ 早餐可以食乳酪~ 芝士盤~ 仲有沙律~~ 菠蘿同木瓜都好甜~~ 飲品區 ~無咩特別~ 南洋咖啡~~小資女都幾鍾意架~~ 有得自己整Nasi Lemak~正~老公好鍾意食~ 有即叫即整~蛋類製品~ 煙肉~~~太乾了~~ 早餐都有咖哩~~讚~~ 熱食都有好多種類~~ 如果早餐想食麵~都可以~~ 有好多選擇~~唔知選邊件好~ 樣樣食物都想試~~救命~~小資女要減肥架~~ 哩個雞粥好夠味~正~ 仲有港式蝦餃~~ 酒店設施方面,小資女同老公就去左游水~ 游泳池唔算好大,但風景唔錯架~ 新加坡四季都咁熱~~所以游泳池好重要~~ 小資女要曬下腳先~ 泳池唔算好深~~小資女都企到~~ 可惜係陰天~~如果係晴天相信個景會更靚~~ 泳池旁邊仲有排水力按摩位~大家可以坐定定慢慢歎~ 泳池既夜景都好靚~~ 總括:酒店附近交通方便~五分鐘內已經有地鐵站~亦近克拉碼頭同老巴剎~有很多餐廳選擇~~要觀光的話有著名地標魚尾獅像或坐船遊新加坡~~酒店本身裝備都好靚~係小資女覺得房間雖要再裝修~感覺舊舊的~~ 最後評價(5星為滿分) 酒店設施 **** 酒店服務 **** 推薦度 **** 小資女Facebook: https://www.facebook.com/Camcamlife/