去得英國同法國嘅小資女梗係會瘋狂shopping 喇~ 咁我係英國就去左Bicester Village 而法國就去左La Vallée Village,兩家都係屬於Chic Outlet Shopping 購物村集團嘅~ www.chicoutletshopping.com 我今日唔係要分享有咩抵買唔抵買(抵唔抵買就見人見智喇~),我想講嘅係如果有儲開亞洲萬里通 Asia Miles 嘅你,買完晒所有野嘅時候記得去一趟訪客中心/接待中心(customer service center), 因為只要你係入面消費,出示返當日消費收據同Asia miles 會員卡,你就可以儲到里數架喇~ 英國消費:1英鎊有2里 歐洲消費:1歐元2里 中國消費:10人民幣2里 我都分享少少Outlet shopping 小貼士: 1. Outlet一開門就要入到去架,如果唔係會被D亞洲人(即係我呢D人)買晒筍野~ 大概下午4,5點果時好多人 2. 上outlet 官網睇定有咩牌子你想買~ 小資女初時以為兩個outlet D牌子應該一樣,點知好似Prada 呢個牌子,法國居然係無嘅… 3. 英國同法國outlet 比較邊個平D? 小資女12月去時英鎊低位,所以英國outlet 係平少少嘅~ 產品方面要明白果度係outlet, 如果見到鍾意就買喇,可能另一個outlet 無同一個款架~ 4. 去旅客中心出示master card , Visa card 同銀聯卡有9折coupon (master card 同visa card 要出示邀請信喔--> MASTER CARD LETTER , VISA CARD LETTER ) 5. 我用左Bicester Village 有一個hands free shopping service, 只要比£15 , 就會有人幫你去店舖拎戰利品,顧客可以兩手揈揈去其他店舖繼續買,臨離開outlet去返旅客中心拎返晒所有你買嘅野就可以喇~La Vallee Village都有架! https://www.bicestervillage.com/en/shopping/shopping-services/ 我12月消費,2月就出左里數比我喇~ 其實除左可賺ASIA MILES, 其他航空公司計劃都得架! https://www.bicestervillage.com/en/your-visit/travel-partners/frequent-flyer-rewards/ https://www.lavalleevillage.com/en/your-visit/travel-partners/ 題外話: AMORINO 雪糕一定要食! 因為好好味! 小資女仲食左兩次添! 係La Vallée Village有售~ 點擊圖片放大 +2 另外香港都開左個outlet,就係佛里倫斯小鎮~ (佢係香港嘅規模係比較細嘅,唔好抱咁大期望)暫時得幾間鋪..... 佢都同亞洲萬里通係夥伴關係呀! 同係Chic Outlet Shopping 一樣,只要去顧客服務中心出示返當日嘅消費收據同Asia miles 會員卡,你就可以賺里數喇! 香港消費:4港元有1里 中國消費:4人民幣1里 www.florentiavillage.com 小資女開心share 完畢~ 多謝收看! 小資女Facebook: https://www.facebook.com/Camcamlife/