小資女好鍾意食炸魚薯條架! 所以當我知道要去倫敦嘅時候,即刻上網做資料搜集,希望可以食到倫敦好味嘅炸魚薯條! 網路上好多人介紹呢間Rock & Sole Plaice, 聽講呢間店1871年開業,係倫敦最古老而又最好味嘅炸魚薯條~ 無論當地人定遊客都非常鍾意去嘅一間餐廳! 餐廳位置係Covent Garden, 交通都非常方便架~ http://www.rockandsoleplaice.com/ 餐廳都唔算大,有兩層,又有室外位置~ 夏天嘅時候坐室外好舒服架~ 大家認住佢個LOGO 我地12月去,咁凍嘅天氣就梗係坐室內喇~ 室內有暖氣架~ 小資女叫左一份炸魷魚圈試下~都OK~~熊貓好似對魷魚圈無咩興趣~小二嚟半斤竹葉~ 炸魚有分Size同唔同既炸魚~由於小資女唔肚餓~所以叫左個普通Size既Cod lion~ 炸魚薯條普通Size都好大份架,小資女建議唔肚餓的話可以兩個人share 一份~唔好浪費~ 炸魚薯條真係好好味!價錢又公道!難怪可以經營一間餐廳超過140年!! 餐廳公開說明佢地係點樣定價~ 很有趣! 最後叫左一份炸魚,一份炸魷魚圈同兩個飲品~一共25.5英磅~ 食評:(5星為滿分) 食物: **** 餐廳環境:** 服務:*** 上佢地網頁都睇到MENU架~ http://www.rockandsoleplaice.com/our-menu# 小資女Facebook: https://www.facebook.com/Camcamlife/