2103年8月18日 星期日 第1日 今日係出發去日本,開始Working Holiday的第一天。17日晚完左日文學校考試、執行李、喊下咁,4am左右先訓,但5am幾就起身,準備去機場了。 搭8:20am的Delta,日本時間2pm左右到成田機場,話說我上左機,又係咁喊,一諗起黎緊一年自己一個人,冇人冇物咁係日本生活,不知不覺又流眼淚了。 *話說之後同d日本人朋友講起我出發時係咁喊,男的覺得好好笑,唔明點解要喊!而女的就覺得喊係好正常!果然男女大不同呀! 排隊過關時已經可以拎埋張「外國人登陸証」,十分方便,之後就去行李帶拎返我成幅身家:一個中型行李箱& 60L Backpack,就用最平既方法,搭京成特快鐵路出市區。2:47pm發,4:01pm先到日暮里!再轉JR山手線去今晚住的王子駅。行李又多又重,不停上上落落,好狼狽! 唔知係咪我搬行李搬得太辛苦, 覺得架京成鐵路好熱, 車頂仲要有風線! 好古老咁! 我呢一年的成副身家! 終於到左終點- JR王子駅 今晚住既地方,係由airbnb訂,係正住宅區內的mansion,都行一段時間先搵到,行到成身大汗,不過HKD250一晚有間私人房,抵過住hostel的碌架床! Settle down晒之後,大約6pm幾,就行下附近,買下水同日常用品,之後就返上去mansion休息,人在異鄉的第一日超攰! 我今晚的睡房,好寬闊好乾淨 房間窗外的景色 同房主一齊住,廚房&Toilet係share的