【睇文前留意喇】 嚟緊7月30號將舉行分享會,全新題目、全新組合,等緊你嚟參加! 詳情請睇:goo.gl/DdQiMk,希望到時見到你! 兩年前曾跟大家分享過這個話題,但社會變、人心變,唯獨香港人忙到天昏地暗的本質從沒變,最近又多聽兼多親歷了幾個故事,有感而發。再次問大家,你有嘗過以下的對話嗎? 例子1 「喂,好耐冇見喇,幾時出嚟食個飯呀?」 「好呀,下星期你得閒嗎?」 「丫係呢,你係咪去過冰島呀,有冇行程推介呀?」 「有呀(然後傾咗一個鐘),大致係咁啦!」 「好呀,唔該曬你呀!」 「咁約星期幾呀?」 「(冇回覆,兩日後)係咪食飯?」 「(冇回覆,兩日後)hey,係咪下星期出嚟?」 (冇回覆) 例子 2 「下星期三個Gathering係咪堅?」 「係呀」 「八點鐘得唔得?」 「應該得。」 「咁就旺角站八點等啦」 「好呀」 (到咗果日八點三) 「你去到邊?」 「咩去到邊?」 「唔係約咗八點咩?」 「幾時有約?」 「你上星期話好嘅?」 「我幾時有講過?我話『應該』唔該你睇清楚先。」 例子 3 「你係咪去日本旅行呀?幫我買個乜乜面膜丫!」 (一星期後) 「你幾時得閒呀,不如食個飯,我俾埋手信你丫!」 「近排好忙呀… sor」 (一個月後) 「你幾時得閒呀,如果忙不如你樓下地鐵站交收啦,我驚放得太耐變壞呀。」 「近排好忙呀… sor」 (三個月後到自己飛咗) 「喂你做乜去旅行唔同我講聲呀?我聽日要飛想帶埋面膜囉,咁依家點呀?甩我底呀?」 「我約咗你三個月都唔得閒喎!」 「姐係咁,我覺得你唔係我男朋友,都應該同我講聲囉,你咁樣好唔尊重朋友囉,一盒面膜睇清你人格呀!」 (阿姐我好似仲未收你錢喎) 例子 4 「咁耐冇見不如出嚟飲杯嘢啦」 「好呀」 「咁就下星期六晚老地方等?」 「我未知得唔得閒呀。」 「約定咗你留果日咪得囉!」 「我未知得唔得閒呀真係。」 「拿,我星期五六日都冇嘢做,留俾你喇,你firm好咗就話我知啦。」 「當然啦,一場好兄弟。」 (星期五朝) 「點呀,係咪今晚飲嘢?」 「Sorry呀我約咗人」 「咁聽晚後晚呢?」 「Sorry呀我全部都約咗人」 (乜唔係suppose約咗你應該留返果日咩) 例子5 「阿豬下個月生日喎,俾個期食飯丫」 (大家覆齊) 「喂阿豬,點呀你係主角喎,15號得唔得?」 「嗯」 「好啦,咁就15號見啦」 (14號晚) 「Book咗位喇我,陳小姐4位」 「好呀聽日見」「好呀唔該曬」「我都係唔得呀,唔好意思」 「吓你主角喎,做咩唔得呀」 (冇回覆) 我明白,每個人在別人的心目中,都有Priority,誰最重要、誰不重要,每個人內心都有一把尺。只是,當你沒興趣跟對方來往時,大可直接說出口拒絕,無需諸多藉口,或是已讀不回。我很討厭別人以一記「忙」來作藉口,一個人再「忙」總得要吃飯、總得要社交,總不成一年365日都在「忙」。當對方或一班好友已經預留了一天,甚至幾天給你時,請別一直把對方拖著,總覺得全世界只有自己在忙,卻把對方放在最後的後補位置,有時間便應約、沒時間便強辭奪理推翻一切,卻不知道別人為了你的約定,刻意推了其他人的約會、其他工作。當你在忙時,別人也會忙,請別覺得你的時間才是時間、別人的時間甚麼也不是。 有朋友遇上了以上的情況,反被罵:「我唔知你明唔明咩叫約實,我諗係大家文化唔同」。我覺得,哪管你內心有個排序,也請有基本的尊重或禮貌。我極討厭這些人為求方便「甩身」,總會用上「可能得」「應該得」「或者得」「我諗得」等等字眼,倒頭來還要惡人先告狀,覺得自己沒有責任在身,無需認真看待。 更討厭那些利用你的交情來獲取自己所需的人,縱非令你傾家蕩產,卻總會找個機會、找個開場白來向你討著數,最後卻連往地鐵站交收的資格也沒有,還是一記忙字便是天下間最方便的藉口,連謊言都懶得去作。這類人當然令你「唔會有下次」,但這次你願意去幫他還是乃念舊情,最後一記「過橋抽板」,連應酬都懶得去做、去回覆。我常不明白為甚麼有人可以這樣去做、這樣去想,到底這些人腦袋裝甚麼會如此厚臉皮,至少自己真的做不出。既不想應酬就別去阻礙別人的時間,可悲的是,社會上十之八九的人都是這樣子。 隨年紀增長,能夠交心、能夠付託真心的朋友愈來愈少,我們理應珍惜這些人,願意聽你訴心聲、願意幫助你、願意捱義氣、願意跟你慶祝生日、願意關心你死活的人,而非把這些珍貴的友誼拒諸門外,甚至淪為利用工具,把對方當作呼之則來、揮之則去的路人。可能生活背景不同,你有很多朋友,或因工作環境令你覺得不擇手段、利用別人、說話模稜兩可,才是生存法規,但這些從小玩到大、青梅竹馬的好兄弟好姊妹,認真維繫,真可走一世,而非被你用來「zip時間」的。 常說你忙時我也會忙,總不成忙足365天24小時,當然,大家也心知「忙」只不過是藉口,但請你也堅守自己「忙」的原則,一口拒絕一切約會,別把別人當作後備,你的時間最寶貴,別人就可以隨時Stand-by。 科技發達,各個社交軟件並非給你用來解悶,應是用來維繫感情。昔日頭二十個對話群組都是你的朋友,今天頭三十個對話群組可能有廿五個都是工務,但請珍惜那五個還會發無聊笑話、偶爾傳句「仆街仔/八婆死得未呀?」的群組/人;在你倦透能發洩怨氣、認真回覆而非「ic」的人;非在你低潮想找個聊天對象卻已讀不回,反是二話不說叫你「出嚟啤啤佢」的人。 這些人不單要珍惜,還要尊重。這個年頭、這個年紀,能真心待你的人,不多了。 若你真覺得這些應珍惜的人只屬生命中的後備,那就請勿有事鍾無艷。 要不下次找我時,給你一句「ic」回覆又覺得我沒禮貌。 【延伸閱讀】請珍惜還會應約的朋友(Part 1) 【延伸閱讀】有事鍾無艷,無事夏迎春,都不如? 【延伸閱讀】得閒飲茶? 更多資訊及文章,請Like Fb Page: 【有故事的旅人】 【晞。觀影記事】 IG請Follow: #travelerwithmovie