起很多女士心目中, 身邊是個識得煮飯嘅男人是件幸福的事~ 我身邊那位, 都識.....公仔麵囉 所以是晚約左幾位同黨出去"搵食", 哈哈 我地揀咗一間即場煮食嘅男廚餐廳, 邊睇邊食 :p 朋友介紹位於山林道的鐵板先生 望過放起門口的Menu, 價錢一點都不貴, 除開都係3百多/位 而且食到海鮮及肉類, 抵啦~ 不過都要知好唔好食, 先叫真正的平, 靚, 正嘅! 唔知係咪食慣早飯嘅我們, 是晚七點來到餐廳, 以為自己包咗場 又以為自己入錯間唔好食嘅餐廳, 無人來 錯啦, 食到差不多8點, 入來的客人坐滿8成呢~ 有食過鐵板燒的朋友, 都知道廚師會即場以新鮮食材在鐵板上發揮他的身手 識揀就緊係揀呢d好位啦 餐廳很可愛, 隔幾個位就見到有公仔燈 食鐵板燒醬汁都不可少, 鐵板先生供應咗3款醬汁, 但我忘了影個正面 最左邊的啡啡黃黃色, 原來是洋蔥汁, 建議配海鮮, 不過就咁試我就覺得有點苦 中間是點肉類的, 而最右邊的就是刺身豉油 侍應先送上前菜, 有蟹柳沙律, 魚頭豆腐麵鼓湯, 三文魚及鮮帶子刺身開開胃口先 魚頭豆腐麵鼓湯比一般的麵鼓湯無咁咸, 加咗魚頭, 湯色也淺淡點 雙色刺身是2人份量, 帶子刺身也很鮮甜大隻 吃畢後, 侍應才端上第二道菜: 璣煮大鮑魚, 配埋醃製過的青瓜 初入口的鮑魚片, 味道好像卥水過似的, 夠濃夠味 細問下, 原來不是卥水, 但我只記得有清酒醃過 這個都是2人份量, 都有很多片, 口感不韌, 淋身很來帶點爽 廚師正式在我地面前燒第一道菜啦 他先問道有否不吃蔥蒜的? (很細心耶) 活龍蝦 $788, 足夠4個人食嘅份量, 邊睇邊聽到"劈靂啪啪", 剷下炒下, 師傅手勢很熟練, 大家都看得眼定定, 先起肉再切粒, 最後加了咸旦王煮成的黃金醬汁同炒, 超正呀~ 最後以火槍炙過就上檯啦, 好期待龍蝦的味道 加上蔥花, 擺得靚靚嘅黃金龍蝦, 緊係相機食先啦! 嗯, 爽口入味, 好幸福呀! 師傳又將原本白雪雪的龍脷柳耐心的燒至金黃色, 再加上香草在面 同時都把蠔放在鐵枝上, 這個比魚柳更快熟 香草龍脷柳好好味呀, 2邊都很香脆, 魚肉還滑嫩 食完海鮮就來到肉類: 美國安格斯薄燒 本人不吃羊, 所以點了薄燒牛 師傅放上薄牛在鐵板, 然後立即包上蔥及炸過的蒜頭粒, 只係幾秒時間, 斜角切開就上得, 很快! 我食開都不會全熟的, 牛要半生熟才可以吃得出牛原有的肉汁及味道 呢度的薄牛很啱的口味, 只需加少少黑椒調味, 不會蓋過牛肉本身的味道 斜角切開的薄牛, 就像一個小包包, 內裡裝著大量蔥蒜 我將整件吞入口中, 牛肉一啲都唔韌, 咬幾口就可以吞落肚 當中的脆蒜令薄牛的口感變得淋中帶脆, 而脆蒜的味道又無生蒜咁濃烈, 一定唔會搶哂味道 呢個大推! 食牛的朋友必點!!! 一位師傅在忙的時候, 要燒幾檯客的食物 是晚有幸見到"放火"場面, 真係好惹火, 事前見佢加了一點酒在鐵板上, 也有著我們小心不要哄太埋 好慶幸見到呢個場面 吃過肉, 差不多到尾升, 也見師傅拎出白飯及蔬菜出來 先由一塊白飯圈, 加入幾隻蛋及煙肉, 蔥粒等炒炒炒 一會後, 煙肉黃金炒飯完成, 乾身的黃金粒粒, 又香又熱, 本身都飽飽地, 但也忍不住要吃畢 唔好以為鐵板燒只得肉食, 很肥膩, 錯錯錯! 炒雜菜就可以滿足每餐要吃菜的我, 食菜感覺自己無咁肥, 哈哈 芽菜, 椰菜, 紅蘿蔔絲等 最後也有綠茶雪榚作結尾, 食完啲熱氣野, 雪榚似有下火感覺 不過綠茶味唔係咁夠, 不打緊, 人家鐵板燒才是出名嘛! 埋單每人平均大約400多元, 很抵吃呢~ 由於鐵板前有大大的抽風系統, 所以味道也不像韓燒般濃烈 也可即場望住師傅的身手, 又見到食材是否新鮮, 而且個人認為鐵板燒至少無味精, 出來也不會過多油 整體來說, 這個票價是超值的! 地址: 九龍尖沙咀山林道33號地舖 電話: 6330 6836 / 5377 2234 希望你們喜歡我的分享 如有問題, 可留言或電郵給我 issiyyi@gmail.com Add my Instagram: ★http://issiyyi.theztyle.com ★http://beauty.qooza.hk/u/IssiYyi