尋日去左整macaron!!! 我一直都好驚整得唔好,好擔心!! 不過好彩個導師好好人,我整得唔好佢都有幫手, 最後都可以話係成功 =] 分享少少製作過程比大家睇睇!! 我係整mymelody,total 有14個人。 (超過12個人先可以整4款cartoons) 一開始將d糖霜呀, 蛋白呀果d 撈埋一齊, 之後發發發發發, 發完之後因為我mymelody 係粉紅色,所以滴左2滴粉紅色的醬。 之後再撈撈撈,就有1 pat smooth 既creamy 野, 再跟住下面的模唧出黎!! 頭2隻係老師幫我唧出黎的,(有臉有底) 之後我再唧埋其他!! 因為唧到最後,發現d料唔夠整10隻mymelody, 所以唧左4粒心心。 焗完就變成咁樣!! 漲卜卜,好可愛呢=] mymelody 好立體tim呀!!! 乾哂之後,我就要配下,邊個底match 邊個臉, 做個大配對。 乾哂之後,就整佢塊臉出黎, 最後畫埋眼耳口鼻就ok了。 完成圖 =] 下面果d係其他朋友整的完成圖。 有鬆馳熊, 3眼仔, b duck 好靚呢!! total整左4個鐘,攰死我,不過其實個過程係開心既 =] 見到佢地既出世,真係好興奮!!!