鄭多燕之前咁HIT,個個收工都話要返屋企跟著跳既時候,成日話要減肥但又懶做運動既我最後都係無跳過!!早排上網見到呢個活動既Promotion-【U Blog X 德藝會:韓式瘦身操】,就醒起呢樣野,突然好有衝動去試下玩,於是諗都冇諗就即刻報左名! 我見到佢呢個韓式瘦身操係以Figurerobics為藍本,主要都係訓練肌力同氧氣交換,我估應該同鄭多燕個隻差唔多,相信細細個有跳開舞既我都應付到既 (Um.. 其實已經係十年前既事 ) 哈 ~ Wohooo 點知真係抽中左有得去玩! 我另一個朋友都有份,於是約埋一齊去~ 九龍灣德穗會好近地鐵站,夠哂方便,我地早左少少去到,有時間可以影下相! (其實我未黎過德穗會,但以前係附近返學,成日見尐人黎游水做Gym,今次終於有我份入去 :-P) 門口都幾光猛,周圍都係玻璃燈,成個感覺好堂皇華麗。一入去見到活動接待處,登記完就拿了一枝免費飲品,係Coco Max,可能我本身唔太好椰子味,所以無太大意慾飲。 CoCo Max 100%採用泰國天然鮮嫩椰子,不含人造色素,無添加糖,零脂肪、零膽固醇,含電解質同鉀,可以幫助恢復體力,適合運動前後飲!我自己帶左枝水,或者留待跳完舞先試飲啦! 有工作人員帶我地入貴賓房坐下 然後我地填問卷,交既時候就會派發更衣室Locker鎖匙。 換好衫就行去上堂個課室,沿路有Sofa俾人坐,左右兩邊玻璃窗係Gym Room,見到尐人做緊Gym,費是望住人跑步啦,行快兩步先... 一入到跳舞房就已經見到老師準備緊背景音樂,間房都幾大,三面鏡,可以容納2x人一齊跳舞。 房入面有張長椅可以放個人物品 :-) 好!正式開始!老師先自我介紹,然後講解下今日個瘦身操既動作大概會係點,聽落真係同鄭多燕個個差唔多喎!! 先做熱身,一開始站立既動作為多,之後中段既動作會愈來愈快,最後每人一張瑜珈墊訓係上面做緩和動作黎放鬆肌肉。 每個動作左同右、前同後各做兩個8拍:其實全部動作都唔難,都係靠拉筋動作去訓練同放鬆肌肉,再加上老師既講解清晰,易跟、易學,就算無學過跳舞既人都會Catch-up到! 上完堂之後,有學員同老師繼續討論進階版既動作同過往跳舞既經驗。 比較少做運動、少拉筋既人,可能會覺得痛同好快會攰。我都覺得有少少痛,自從返工之後都好少做運動,所以跳一跳就已經 散!哂!! 仲有德藝會一天貴賓會籍及免費專業身體成份分析!正!下次可以試埋其他設施~~ 走時試飲枝Coco Max,夠椰子味但又唔會太甜,連唔好椰子味既我都覺得OK! (全部相都係用手機拍攝,像素比較差,請見諒 :-$) 德藝會 - 九龍灣德福花園平台P13-P14號 http://www.lifefitnesshk.com.hk/chi/about_c.asp