嘩, 係咁的, 喱幾日都好想食韓燒自助餐, 但市面上真係有太多垃圾韓燒自助餐, 咁我朋友就叫我試喱間野啦, 上openrice 睇, d 食評對上都已經係2016 年, 又好似冇咩資料冇咩相睇咁, 真係有十萬個懷疑究竟佢掂唔掂, 咁我朋友話佢平時lunch 成日都黎叫set lunch, 但見到人地食自助韓燒覺得好似好吸引, 之後又強調喱度係靚版ge漢X苑, 但漢X苑真係好差wo, 真心有十萬個懷疑..... 由於我朋友的堅持.......好啦, 打電話想book位.......點知....... 打左2次d 態度都衰都冇, 仲要最後係都未book就俾佢cut左我線..... 我同我男人一邊行去, 我就一邊o念究竟好冇放棄 好啦...去到....7點幾8點去到, walk in 有位, o個度都係坐左1半人左右, 安排左我地坐窗口位, 都OK好坐, 喂, so far成間野都好似ok wo!! 光光猛猛, d 野好似ok 乾淨, 野食個樣又好似ok 熟食選擇都幾多, 醃ge 肉味道都ok, 生果哈密瓜同菠蘿都好甜, 同埋我見到d 人一見到d野食冇曬都好快手換 點擊圖片放大 +5 除左汽水可以飲任, 啤酒就有OB同埋HITE, 都幾surprise 會見到OB , 由於hite 都真係幾淡, 所以有另一個選擇都有D 出奇~~ 至於用餐時間係2小時, 但如果冇人等位ge話你可以坐到last order 都可以, 價錢係HKD 188加一, 好抵食, 野食都幾唔錯嫁啦以喱個價錢黎講 P.S. 全晚o係坐位附近見到2隻BB cockroach, 但係大部份食肆都係咁嫁啦, 當然如果可以眼不見為淨會更好囉 餐廳資料 漢和韓國料理 地址: 佐敦彌敦道219號莊士倫敦廣場9樓 電話: 2787 4880