係上星期三,我約左嘉駱同左左去南丫島,話平時成日出旺角出到悶wo~ 我地搭10點半班船,沿途我地傾下nba的走勢,傾下季後賽的可能性,傾傾下就到南丫島。 呢日天氣真係好好!!(左左:係天氣太好了⋯)好在可以看見海天一色的風景。不過就萬里無雲,行街要搵地方遮陰ar~ 落到船,踏入榕樹灣,旅程正式展開。 走過榕樹灣大街,我地見到好多有特色的商店,每間舖都好有獨特的風格,有d似台灣(感覺上)。悠閒,自在,身上的束縛有解放的感覺,特別係最近處於為前路迷惘的狀態。 同事叫我去買d手信翻去,又唔係長洲,我都唔知買咩⋯ 起初,我地三人都只係漫無目的咁走,走入民居,試下搵下以前住過的渡假屋。之後,我地上左風采發電站。 南丫島地標唔係好多,風車就係南丫島最觸目的標誌。只係,要近距離見到風車,必先走上一條長命斜。上到去,見到全港第一個風采發電站就係面前,係值得既。 點擊圖片放大 附近有一個觀景亭,對外的海景插滿高樓大廈,乜原來南丫島同城市係咁近ga!? 之後開始肚餓,去左搵野食。照遊客的慣常做法,當然係去openrice search la,南丫島的西餐,泰國菜,土耳其菜原來都幾出名,海鮮更加唔使講la~ 不過我地都冇帶好多錢,就去左蔡記小食叫左d牛腩/牛雜飯食,配辣椒醬一流。果種辣唔係即刻黎料,一黎料就好勁果隻。 我地仲叫左豆漿同螺肉,豆漿有黑豆漿同白豆漿,用黎解辣岩晒。d螺肉冇頭先的辣醬咁辣,但就淋左d wo.... 食完飯,我地去左隔離麵包店買芒果糯米糍,糯米糍當然冇長洲的咁大件la!!不過都係原塊芒果黎。 之後,我地要開始趕路去索罟灣。眼見只有70分鐘的時間,卻要行75分鐘的路程,否則就要等個半鐘先有下一班船,真係有d趕。 沿途經過洪聖爺灣,因為唔係假日,唔係好多人。 之後就開始拚命上斜,回頭可以望翻洪聖爺灣,風景都幾靚ga!? 行到一半,見到有人賣菠蘿,我地三個一時興起,就走去買黎食,但就食到成手都係鹽水。天呀!我仲要影相ga!!! 沿途我地見到個山洞,我特意叫佢地停一停,因為呢個山洞就係日戰時期的防空洞—神風洞。時間唔多,我地影完相就走了。 差不多到索罟灣的時候,我地見到船已經駛入碼頭,面前還要繞一大個圈才到,我地加緊腳步,點知到的時候,船已經走了。莫非我地要等到是5點半? 我無意偷聽到旁人傾電話,佢打去船公司問:點解架船未到岸就走既?我望一望碼頭邊,原來有好多人係碼頭等緊,未上船。點知船公司話架船壞左,要delay,結果就造就我地趕到班船,今次真係好彩!