新年撞正口痕想食格仔餅,係一件痛苦的事。 事關我食開果間,要等到初九先啓市。 話俾你知一件事,我其實由細個開始就唔鐘意食格仔餅,唔知點解。 直到前排,我朋友突然想食格仔餅,就帶左我去左一間茶餐廳買格仔餅食。 佢仲話:識食一定係喊:多漿! 我之前都冇乜點理,直到公司連續2日有人請食格仔餅的時候 第一間唔係好掂,餅底滲晒油,而且太甜,食格仔餅完全係為左食漿。 第二間人地出錢,我就出力,咁我咪去果度買lo!!點知一食落口,就完全食得出同第一間,係2個層次的領域。 蛋漿好濃但唔會好甜,亦唔會覆蓋夾心漿的味,雙劍合璧,天衣無縫。 而且餅底焗的時間控制得岩岩好,外脆內軟,造出來的口感係脆>軟>脆>沙糖>脆>軟>脆,簡直一流。 自此之後,我就鐘意左果度的格仔餅,亦都冇去過其他地方食格仔餅。 直到新年牙痕的時候,諗住去龍津買底格仔餅頂下癮,點知一食落去,硬倔倔,得個脆字,根本就唔係果個層次。 店名:豪城茶餐廳 地址:深水埗元洲街131-133號地舖 價錢:$9一底