由懂事開始,我哋就知道生日係會有生日蛋糕同吹蠟燭呢個儀式。 隨住年齡嘅增長,蠟燭會變多,蛋糕嘅數量反而會慢慢減少。 唱K送嗰舊蛋糕、食飯送嘅壽包、屋企人擺喺雪櫃但俾你一早發現嘅蛋糕、莊員或者另一半親手整嘅蛋糕、去camp冇蛋糕買唯有喺7仔買嚟頂住嘅紙包蛋糕、公司每月之星嗰舊例牌蛋糕等等…… 點擊圖片放大 +3 以上嘅安排,總會有幾位好朋友每次都會準備好。 1. 用最大嘅努力約齊人/好神秘咁開個group約人 2. 搵場地食飯或者開party 3. 懶神秘咁唔話你知地點 4. 特登早啲去到佈置個party room 點擊圖片放大 5又特特特登早過壽星公/女少少,去餐廳提早收埋個蛋糕 雖然... A有時會唔覺意俾你拆穿咗 B有時會早咗熄燈 C有時會唔齊人 D有時個蛋糕會唔好食或者個牌爛咗 點擊圖片放大 E有時個雪糕蛋糕會硬個把刀10倍(點呀溶未呀) F有時會買咗你最僧食嗰隻味 G有時個蛋糕唔夠分 H有時個蛋糕會拎嚟掉多過食 I有時你未許願支蠟燭已經熄咗/或者冇買蠟燭 G有時個呀姐會好唔識做咁將成個蛋糕連盒擺喺你面前 不過... 「突然熄燈→點起蠟燭→唱住生日歌行一入嚟→許願→切蛋糕→影大合照或掉幾下蛋糕」 雖然呢個係例牌「懶Surprise」嘅生日儀式,但如果你身邊仲有呢啲肯為你攪咁多嘢嘅朋友,恭喜你,因為佢哋仲好重視你! 好好珍惜呢班用錢買唔到嘅fd底、用錢買唔到嘅「懶Surprise」啦! 如果你都有同感...就襟個LIKE支持下我呢個偽blogger啦! Facebook: 離開是為了回來 (https://www.facebook.com/leavingisforcomingback/)