話說過去既April Seoul Trip係好匆忙下決定,恰巧二月既時候去完Seoul轉眼間一個月後又要再踏足此地,加上April Seoul Trip唔係只為玩樂,因此整個April Seoul Trip都以經濟又實惠為basic。既然要經濟又實惠,廉航當然係不二之選。但以往搭廉航經驗欠奉,唯一一次搭泰國東方航空既經歷簡直畢生難忘,一日未上機,心裡都難免淆下底。 啱啱遇著個剛剛,HKExpress新增咗Seoul航線,仲周不時減下價益街坊,我地當然唔執輸碰下運氣。原來我地實在太低估香港人試廉航既決心,當我地抱住買到就買既心態,等買凌晨開賣優惠時,過程猶如過山車,價錢不斷上上落落,一時$960,再refesh已經係$1480。最後經過連日奮鬥與經驗,係$1670連稅既抵玩情況下扑搥。 去程搭UO614 香港時間21:50上機,首爾時間02:25落機 回程搭UO615 首爾時間04:20上機,香港時間07:05落機 行李另外計,去程只買咗15kg for兩個人share(因為HKExpress既行李重要唔計件數),回程則每人30kg。最後當然係去程over咗15kg被警告下次唔好啦。 因為去程係21:50,放咗工慢慢去機場時間就啱啱好。check-in counter係起飛3小時前開,不過係terminal 1,入閘後要坐接駁車到登機閘口,的確幾間涉,時間唔可以預得太急。 Finally班機好準時,上機後做埋安全示範就起飛。因為廉航無飛機餐亦唔會expect有任何services,所以過程好順好快,降落時間更加係早到,相比起其他airline要搞咁多野先起到飛,其實HKExpress都相當唔錯。而飛機方面係用HK Airlines既飛機,無電視無枕頭無毛毯無免費水供應,而大家非常concern既飲食方面,由$60個既點心拼盤至$20個既杯面都可以供應,不過我地呢啲僞「細路女」係會不惜一切咁買個m記上去邊食邊煲劇。 另一個HKExpress同以往搭既airline唔同地方係,每次搭飛機都會停定先比你解安全帶同拎行李,過程相當安全及頗緩慢。但HKExpress一降落咗仲係跑道行緊既時候,已經會叫你解安全帶同拎定行李,個人覺得效率係幾快但存在少少危險。 到達仁川機場時間係凌晨02:25,同樣需要坐無人駕駛列車去返另一邊過關,但凌晨時分係唔會有車黎,必須要係閘門旁邊禁掣先有車到,否則就如上次咁大班香港人企係到等極都冇車。 過關連拎行李半小時內完成,olleh會有24小時counter租wifi egg,之後可以選擇03:50既深夜大巴或等05:20既首班AREX。最唔好彩既係我地book既hostel係溝通上嚴重出現問題,我地book早咗一晚住宿都必須要08:00先可以check in,結果係機場渡過咗漫長既3小時,食咗一個比香港難食既m記早餐。 第一次搭廉航非常順利,對於年輕人隨時出走既心態,香港快運HKExpress絕對係一個唔錯既選擇。趁後生咩都要試下既,唔通等到七老八十先同人迫廉航咩? ----------------------------------------------------- More information in : Hello Stranger. http://www.facebook.com/hellostrangerhk