YY小記錄。 其實長沙灣真係好多特別好味既小店,只要大家花時間發掘下就會知道。 今次黎到長沙灣既柚屋Yuzuheya,鋪仔細細,座位都唔多, 我地去到時咁岩有人埋單,幸運地唔駛等唔就有位坐,安排坐左係窗台位置。 鋪名叫柚屋,顧名思意係柚子主題既Cafe。 所以店鋪入面都有個小貨架,放有關於柚子既產品。 店主好nice,由招呼我地入門口個下已經感到好warm, 佢真係溫柔到我忍唔住偷望左佢幾眼 (心心眼)!!! 點菜時,店主細心地提我地個意粉會有d 辣, 同埋佢上菜時,咁岩我係到影相,佢等我影完再開聲, 好有禮貌好溫柔咁同我講唔好意思,其實我先唔好意思……阻住人做野。 呢個係朋友個意粉,連埋個沙律同咖啡。 朋友話個意粉一般,另外沙律係用柚子醋,天氣咁熱,簡直開胃呀! 我呢個名為:柚屋朝食NO.2 個蛋好滑,我覺得最好味既係塊多士,我一向好怕d烘到乾曬既麵包, 好慶幸一咬係鬆軟架!配埋果醬真係好滿足! 如果唔食果醬既朋友,係可以配牛油的。 可能過左食飯時間,門口無人排隊,所以我同朋友都好放心坐左好耐。 望住出面車來車往,坐係到飲杯咖啡真係好relax。 最後埋單,佢找錢有個筒筒找比你,好有心思! 總括而言,一間唔錯既cafe, 如果追求食物份量大既朋友就未必適合啦, 而我下次再黎一定會試埋佢地其他關於柚子既食物。 是次人均消費:約$80-90一位 鋪名:柚屋Yuzuheya 地址:長沙灣保安道55號美寧中心地下C1鋪 Facebook : https://www.facebook.com/cafeyuzuheya/