YY 小記錄。 相信大家入長洲,都會由中環既五號碼頭出發。 今次要介紹既係五號碼頭既維景小食!車—仔—麵! 其實大家可能會諗:「車…我入長洲都係為左食野,做乜要上船前食咁飽肚既野?」 我都係咁諗架,第一次食係因為成班朋友入長洲, 總有人遲到,而遲到朋友就話會遲成個鐘……成大班人又唔想移動去其他地方, 就試下呢間小鋪,結果大家都愛上了! 小鋪位於五號碼頭(往長洲) 入去既右手邊,門口有大大個sharp 醒banner 3餸$32,係中環黎講叫做化算架啦! 加野飲都係加多$3,好抵! 比大家睇下有咩野食揀,樣樣都好味!重口味人士必定愛上! 而我次次黎都係會叫沙嗲牛肉,大家都可以試下! 碼頭出面大把地方比閣下自理,又可以望下海景,涼爽舒服! 今次我叫左福麵、豬紅、沙嗲牛肉同埋煎魚餅。 真係睇相都知佢濃味。 大家下次入長洲必定要試試! 最緊要加少少辣!!!加辣是好吃的!!!!!!!!! 鋪名:維景小食 地址:中環五號碼頭