番工番得咁辛苦,緊係要有啲野慰勞下,舒緩下緊張嘅情緒嘅~尤其係需要化悲憤為食糧的時候,於是就同禾女人黎到呢間銅鑼灣登龍街的七重天啦~ 喺永光中心非常就腳易搵,放工時間去仲唔使擔心太遠唔想行,真心係一個好處~ 上到去其實環境都幾黑(呢樣係隊長B無預料過嘅)大大部留聲機放於門口訖相當注目,座位都係舒服的沙發,望出去更係時代廣場,景同mood都非常有情調~ 店員話原來呢度逢星期3-6 晚上9點都會有live band show,每晚5-9點更有紅白啤酒買一送一活動,絕對岩晒上去一邊傾計一邊飲野聽歌~ 置身其中,就好似去左另一個忘我空間咁,可以好relax,怪不得呢度有七重天的美名,亦即西方傳說中至善之地的意思(隊長B無盡聯想中……) --------------------- 呢度餐牌講食物的唔多,實際上亦只有兩版,不過店員話會定期換換款,加上好特別的是餐廳會盡力滿足客人的需要,假如有餐牌以外的野想食,可以講出黎師傅盡量解決,所以好多時候都有創下新菜式,更儲落一班熟客~全晚伴酒薯片係任添的,仲要係利士洋蔥味,送酒一流~叫左4樣菜: 點擊圖片放大 海膽蕎麥麵 Sea Urchin Soba w/Bonito Soup($78) 出餐可以講係好優雅,雖然份量比較少,亦唔算太有特色,但麵身好滑,湯好清甜,同麵拼在一起係不錯的。鋪面的加膽非常鮮甜,同麵相配好相合~ 泰式豬肉生菜包 Thai Minced Pork w/Lettuce Wrap ($78) 無諗過酒吧會有泰式生菜包食,生菜唔會有多餘的水份沖淡肉香,肉碎可能因為加左胡椒,所以都有少少辣,同埋咀嚼間會食到有陣煙薰的味道,惹味得黎都幾得意~ 炸有皮薯角 Deep Fried Potato Wedge($58) 薯角好薯好粉,由於剛剛炸起,所以係非常熱同脆~ 香煎帶子配意式煙肉 Pan-Fried Scallops w/Pancetta($98) 香煎的大粒日式刺身帶子放在巴馬火腿和雞冠草之上,帶子香口很有新鮮海水味,咬下去是非常的滿足,配合爽脆的雞冠草和黑蟹子,就是軟滑和脆脆的雙重口感,最後再由巴馬火腿從底托住,更為菜式加上一點精髓,是非常值得推介的!! 當然講得黎飲野,點可以唔介紹兩杯飲品: Pink Lady:初頭飲有少少膠味,但其實是raspberry的味道,點點甜味再加上粉紅粉紅的顏色,的確如名一樣,很有少女對夢想憧憬的感覺~ Mezze 7 Sour:有egg white 同Johnnie Walker Red Label, 原本以為會好酒味,但又意想不到地易入口,少少酸感覺幾fresh~ 好味指數:7.5/10 翻啅指數:8/10 人均消費:201-399 服務態度:9/10 乾淨指數:8/10 ----------------------- 七重天Mezze 7 銅鑼灣登龍街28號19樓 ----------------------- #相機食先 #美食#食好西 #食物#hs夜生活#hs銅鑼灣#銅鑼灣#fusion#hs嘆世界 #牛扒#steak#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#steak#bar#liveshow#liveband#livebandmusic#hs搵食重點 ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram