之前睇過介紹呢間好出名加上細佬力推 ,就趁佢喺大圍分店未開之時試下佢總店先啦! 對荃灣路唔太熟,睇google map以為好近但原來都有段距離⋯行到身水身汗終於到⋯滿懷期待的走入去 ☠️⋯⋯ 入到去成間店都幾多香港特式的裝飾,例如舊香港嘅相等 ,都幾有本土風味~ 雖說座無虛席,但必須講真係好逼好逼⋯坐嘅卡位同後面嘅人完全背貼背⋯尤其全身大汗嘅時候真係有啲唔太舒服 ⋯ ------------------- 既然嚟到呢度,坐定左之後梗係開始睇餐牌 !晚市套餐有三個價錢選擇,最貴$99最平$59,全部都配老火靚湯+白飯/白粥/米粉~可以再加錢叫嘢飲同埋小食 ~ 點擊圖片放大 肉餅選擇極多,足足有36款,仲可以揀煎同埋蒸,同細佬選擇困難底下終於叫左「足三兩花膠肉餅(蒸)」$99同「秘製金沙蛋黃肉餅(煎)」$69 ~ 講下個煎金沙蛋黃肉餅先,幾香鹹蛋味,不過略嫌太乾身, 鹹蛋幾乎係佈滿成塊肉餅,仲有隻咸蛋黃喺面,但肉餅入面無其他料,所以有點dry⋯ 至於個花膠肉餅,小鍋上非常熱,花膠堅係足三兩 ,好厚好大舊絕對唔係花膠碎,呢樣係抵讚嘅 ,食落非常有滿足感~好滑口~不過最好都加豉油,因為比較淡口⋯可能係唔加味精啦 點擊圖片放大 隨餐附送嘅老火靚湯唔知係唔係日日唔同款呢 ,今次嘅冬瓜湯就好清甜啦,而且仲有冬瓜同瘦肉,十足屋企煲一樣 ~ 不過炸餃子就一般啦,細細隻迷你版,即叫即炸係香脆但料唔多,不過餃子迷都可以一試嘅 ~ 點擊圖片放大 --------------------------- 好味指數 :7/10 翻啅指數 :6/10 (對隊長B來說實在太遠⋯) 人均消費 :10-99 服務態度 :6.5/10 乾淨指數 :6.5/10 ----------------------------------------- 肉餅歌小炒料理 荃灣聯仁街28號康睦庭園地下3號鋪 ------------------ #相機食先 #美食#食好西 #食物#hs廣東菜 #hs荃灣#荃灣#廣東菜#肉餅#小炒#蒸肉餅#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#seafood #cantonese#tsuenwan#hs搵食重點 ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 *分享一切美食及生活瑣事* happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram